Schiave bianche - Violenza in Amazzonia
|
C'l artìcul chè 'l è scrit in
Miranduléś |
 Schiave bianche -Violenza in Amazzonia | ||
 L'Elvire Audray in na figùra dal film | ||
| Sérvi biànchi - Viulénsa in Amaśògna 1985 | ||
|---|---|---|
| Regìa: Mario Gariazzo | ||
| Scritōr: Francesco Prosperi | ||
| Atōr: Elvire Audray • Will Gonzales • Alma Vernon Dick Campbell • Andrea Coppola • Dick Marshall Rik Battaglia • Grace Williams • Mark Cannon | ||
| Müsica: Franco Campanino | ||
| Léngua: Ingléś • Itagliàṅ | ||
| Dürä dal film: 90 minüt | ||
| Nasiōṅ: Itàglia | ||
Schiave bianche - Violenza in Amazzonia (Sérvi biànchi - Viulénsa in Amaśògna), cgnusû anc c'n i tìtui ad Schiave bianche - Violenza profonda e 'd Schiave bianche - Il sesso e la violenza, 'l è 'n film dramàtic e 'd scarésa dal gènar “canìbai” dal 1985 ad Mario Gariazzo ch'al s firma Roy Garrett.
A 'l èstar 'l è cgnusû anc c'n i tìtui ad “Holocausto caníbal 2” in Spaggna e 'd “Amazonia: L'esclave blonde” in Frància.
Sunt
Dòp avēr pasâ dal tèmp in na scóla 'd Lóndra, la Catherine Miles Armstrong (Elvire Audray) la vîṅ invidàda da i sò genitōr a festegiàr insém i sò daśdòt an in Amaśògna. Lè da lōr a gh'è anc i sò sîṅ.
Durànt na gita in barca al grup al vîṅ atacâ da 'n grup 'd salvàdag cmandâ da 'l śōvan Umukai (Will Gonzales). Chi lōr i gh tìran dal frési puciàdi in dal curâr par paraliśàr-i, pò i tàjan via la tèsta a i genitōr dla ragàsa. Umukai al decìd invéci ad risparmiàr la vita a la Catherine ch'l'è na bèla biundìna e dònca la prév far-ag da mujēr. La śōvna la vîṅ purdàda in dal vilàǵ dla tribù in mèś a la furèsta.