Scarlett Johansson

Da Wikipedia.
C'l artìcul chè 'l è scrit in Miranduléś Emiliàn
La Scarlett tòlta śò in dal 2003


La Scarlett Ingrid Johansson, cgnusùda méj cuma Scarlett Johansson (New York, 22 ad Nuvémbar dal 1984, a s lèś /dʒoʊˈhænsən/ in ingléś), l'è n'atōra, cantànta e mudèla americàna.

Dòp èsar stada spuśàda cun 'l atōr Ryan Reynolds e avér divursiâ da lò in dal 2011, la Scarlett la s è misa insém c'n al giurnalìsta francéś Romain Dauriac avénd na fiōla sèg nada in dal 2014 ciamàda Rose Dorothy.

Cuma dagnóra tut al mónd 'd Hollywood la Johansson l'è da la banda di demucràtic. In dal 2008 l'à dâ 'l sò apòǵ a Barack Obama mént'r al 21 ad Śnar dal 2017 l'à tòlt part a na manifestasiòṅ ad prutèsta ad cal dóni cónt'r al presidènt Donald Trump.

Biugrafìa

Atōra sex symbol, la Johansson la taca a far-as nutàr in dal mónd dal cìnema p'r i sò rōi in pelìculi cuma L'uomo che sussurrava ai cavalli (1998), Ghost World (2001) e L'uomo che non c'era (2001) dòp avér girâ i sò prim film a la mità di an Nuànta.

Al 2003 l'è 'l sò an parchè la tōś part a Lost in Translation - L'amore tradotto e a La ragazza con l'orecchino di perla ch'i gh frùtan dū candidadùri a i Golden Globe. 'L an dòp la gira, insém a John Travolta, Una canzone per Bobby Long, pò la taca a lauràr par di regìsta impurtànt cuma Woody Allen e Brian De Palma faghénd anc la reclàm par la Louis Vuitton e Calvin Klein.

Tacànd da 'l 2009 (Iron Man 2) la fà la part dal persunàǵ dla Natasha Romanoff, cgnusùda méj cuma la Védva Négra, in soquànt film trat da i fumét dla Marvel Comics cuma The Avengers (2012), Captain America: The Winter Soldier (2014), Avengers: Age of Ultron (2015) e Captain America: Civil War (2016).

Filmugrafìa

Un sò prim piàṅ dal 2007
La Scarlett insém a di suldâ americàṅ in Kuwait
Na Johansson c'n i cavìi brûn
Na Scarlett suridènta in dal 2012
La Scarlett a San Diego (2013)

Discugrafìa

Àlbum in studi

  • 2008 - Anywhere I Lay My Head
  • 2009 - Break Up (insém a Pete Yorn)
  • 2009 - The Dive from Clausen's Pier

EP

  • 2008 - Live Session EP
  • 2009 - Live at KCRW.com (insém a Pete Yorn)

Sìngui

  • 2008 - Falling Down/Yesterday Is Here
  • 2009 - Relator (insém a Pete Yorn)
  • 2009 - Blackie's Dead (insém a Pete Yorn)

Culegamènt estéran

Àtar prugèt