Scannati vivi
|
C'l artìcul chè 'l è scrit in
Miranduléś |
 Skinned Deep
| ||
| Scannati vivi | ||
 Jason Dugre in na figùra dal film | ||
| Scanâ viṿ 2004 | ||
|---|---|---|
| Regìa: Gabriel Bartalos | ||
| Scritōr: Gabriel Bartalos | ||
| Atōr: Karoline Brandt • Liz Little • Jason Dugre Warwick Davis • Jack McDermott • Peter Iasillo Jr. | ||
| Müsica: David Davidson • Captain Sensible | ||
| Léngua: Ingléś | ||
| Dürä dal film: 97 minüt | ||
| Nasiōṅ: Stat Unî | ||
Scannati vivi (Scanâ viṿ) 'l è 'n film ad scarésa dal 2004 scrit dirèt e prudót par Gabriel Bartalos.
'L è stâ girâ a Los Angeles e a New York c'n un budget ad sincsènt-mila dòlar.
Sunt
Phil Rockwell (Eric Bennett), sò mujēr Gloria Jean (Linda Weinrib), sò fiōla Tina (Karoline Brandt) e sò fiōl Matthew (Lee Kociela) i èṅ in viàś cun la màchina par pasàr un fiṅ 'd stmana in vacànsa. Durànt al parcōrs però i s pèrdan lung la via e pò i śbuśìs'n anc al gumi. Phil al và a dmandàr ajùt in un minimarket e lè 'l cata na vècia ciamàda Granny (Liz Little) ch'la gh śibìs 'd armàgn'r a séna da lē.
A tavla i Rockwell i cgnós'n i tri fiōi dla sgnōra: 'n óm misterióś ch'al gh'à na mascra 'd metàl in sal grugn, ciamâ Cirùśig Generàł (Kurt Carley), al nân Plates (Warwick Davis), ch'al s divertìs dimóndi a śugàr cun di tónd, e Brian (Jason Dugre), un ragàs dasfurmâ in dla tèsta tant ch'al gh'à na suca ch'a gh s véd un sarvèl grôs cuma na lingória o anc da piò tant che sò màdar l' al ciàma Brain.
Dòp che Plates 'l à purtâ dla carna da magnàr p'r i òspit, carna umàna, Cirùśig Generàł al masa i genitōr tajànd-ag la góla, pò al cópa anc al baghét dasfatlànd-'l in dū. La pòvra Tina la la scampa ma sōl parchè Brian al s è inamurâ 'd lē. La ragàsa la vîṅ saràda dènt'r a na cambra in du i mur e i paimènt i èṅ tut quaciâ da di fój 'd giurnàł.