Sandrine nella pioggia
|
C'l artìcul chè 'l è scrit in
Miranduléś |
 Sandrine nella pioggia
| ||
 Adriano Giannini in na figùra dal film | ||
| La Sandrine in dla piōva 2008 | ||
|---|---|---|
| Regìa: Tonino Zangardi | ||
| Scritōr: Daniela Merlo Angelo Orlando • Tonino Zangardi | ||
| Atōr: Adriano Giannini • Monica Guerritore Sara Forestier • Elsa Mollien • Marco Zangardi Alessandro Haber • Goya Toledo • Luca Lionello | ||
| Müsica: Mammooth • Mr. Rovat The-Zone • The Dock of the Bay Raimondi Bros • Gaetano Carotenuto | ||
| Léngua: Itagliàṅ • Francéś • Ingléś | ||
| Dürä dal film: 105 minüt | ||
| Nasiōṅ: Itàglia • Germàgna | ||
Sandrine nella pioggia (La Sandrine in dla piōva) 'l è 'n film dramàtic dal 2008 ad Tonino Zangardi vgnû però fóra sōl quàt'r an dòp. Par cla pelìcula chè al prutagunìsta Adriano Giannini e i Mammooth i èṅ stâ numinâ a i Golden Globe.
'L è stâ girâ in Frància, a Mantṿa e in dal Mantṿàṅ.
Sunt
Leonardo Palombo (Adriano Giannini) al fà 'l pulisiòt e 'l viṿ in Lumbardìa cun la sò muróśa, la Giuliana (Goya Toledo), surèla dal sò cap Vincenzo (Luca Lionello).
Un dè, in na giurnàda 'd piōva, 'l è ciamâ insém a sò dū culéga a farmàr dū bandî ch'i aṅ péna rapinâ na banca mantṿàna. I partìsan soquànt cōlp ad pistòla e Leonardo al culpìs sénsa vlēr na śōvna ad vint-a-dū an ch'la pasàva da 'd lē, la Martine (Elsa Mollien), masànd-la.
Mént'r i sò cap i péns'n ad mandàr-'l a lauràr a Róma, Leonardo al cgnós par caś na biónda ciamàda Sandrine (Sara Forestier) e i dū i tàc'n a véd'r-as anc s'la ragàsa l'è piutòst misterióśa sèg. Al pulisiòt al in dascór c'n al sò culéga Luigi (Marco Zangardi) ch'al gh para 'l cûl cun la Giuliana parchè chi lē, turnànd a cà na sira, la 'l iva bcâ a 'l telèfun cun la Sandrine e la vliva savēr cun chi al dascurìs.
A 'n apuntamènt fóra Leonardo al dmanda a la Sandrine cuśa vōl-la lē da lò e la ragàsa la gh spuda in ghigna pò la s in và ma 'l pulisiòt al fà in tèmp a nutàr-'s al nùmar dla targa. Luigi al gh fà savēr che la màchina l'è intestàda a na sèrta Carolina Castellini (Monica Guerritore), màdar dla Martine e dla Sandrine. La dóna, inamuràda 'd un barbòṅ cgnusû cuma „'l Cònt“ (Alessandro Haber), la n gh'è minga tant cun la tèsta, la s cata in 'n istitùt ad sōri e la fuma dal sigaréti 'd cuntìnuv.
Ma la Sandrine l'è anc na rója ch'la lavóra a 'l servìsi dal sò muróś Vincent (Gaetano Carotenuto) par gusàr cun di óm 'd afâr par pò ricatàr-i tulénd-i śò mént'r i èṅ a lèt insém.