Sammy e Rosie vanno a letto
|
C'l artìcul chè 'l è scrit in
Miranduléś |
 Sammy and Rosie Get Laid
| ||
| Sammy e Rosie vanno a letto | ||
 Shashi Kapoor e Roland Gift in na figùra dal film | ||
| Sammy e la Rosie i vàn'n a lèt 1987 | ||
|---|---|---|
| Regìa: Stephen Frears | ||
| Scritōr: Hanif Kureishi | ||
| Atōr: Ayub Khan Din • Frances Barber Shashi Kapoor • Claire Bloom • Lesley Manville Roland Gift • Meera Syal • Suzette Llewellyn | ||
| Müsica: Stanley Myers | ||
| Léngua: Ingléś | ||
| Dürä dal film: 101 minüt | ||
| Nasiōṅ: Régn Unî | ||
Sammy e Rosie vanno a letto (Sammy e la Rosie i vàn'n a lèt) l'è na cumèdia dramàtica dal 1987 ad Stephen Frears, giràda a Lóndra.
Sunt
Sammy (Ayub Khan Din) 'l è 'n fiscalìsta lundinéś e prugresìsta cun di urìgini indiàni. Sò mujēr la s ciàma Rosie (Frances Barber) e 'd mistēr la tîṅ adrē a i vèć. In dla sò cà 'l è tut un gir ad gint ch'la vîṅ e ch'la và, specialmènt parsòni minga tant cumpatìdi da i vśèṅ rasìsta dal quartēr cuma migrànt, négar, lèśbichi e via dascurénd.
Al matrimòni fra i dū al n và minga tant bèṅ e 'l óm al s è catâ n'amànta acsè cuma la Rose ch'la s cumpàgna cun Danny (Roland Gift). Un dè a riva da lōr al pàdar divursiâ ad Sammy, Rafi (Shashi Kapoor), ch'al vrév pasàr la pensiòṅ lè, in dla sità in du 'l è carsû, insém a sò fiōl mo anc a 'l sò amōr da na vòlta, l′Alice (Claire Bloom).
Chi lò 'l è 'n èx pulìtig ch'l andàva sèmpar śò para in dal questiòṅ ma adès al fà fadìga a 'rcgnósar la sità par cuma al s la 'rcurdàva. A i sò òć adès Lóndra l'è pîna 'd viulénsa, delinquènt, scónt'r e giarunàdi par strada. Rafi al śibìs alóra a sò fiōl di bèsi par cumpràr na cà da n'atra banda.