Serigrafìa

Da Wikipedia.
(Reindirizzamento da Sérigrafìa)
C'l artìcul chè 'l è scrit in Carpśàn Emiliàn
A:Inciòster viscōś • B:Racla o Spatla • C:Figùra ch'a s à da stampèr • D:Séda dal tlêr • E:Schérum o tlêr o sdâs serigràfic • F:Stampa apèina fàta: la racla la spèlma 'l inciòster in sìm'a la séda dal sdâs e la 'l fa pasèr ded sòta da mêś a 'l só màj śbuśìdi, a sè da stampèr la figùra ch'a s vōl.


La Sérigrafìa l'è na manéra 'd stampèr un quèlch mutîv o dal scrìti in sìm'a na variétê dimòndi granda ed materiē, fènd pasèr dl inciòster a travèrs un sdâs (tlêr) strulghê apòsta, sènd queschè śbuśî sōl indû a gh'à da gnîr la stàmpa dla scrìta o dal disègn.

Procedimèint

Schēma dal pasàģ edl inciòster a travèrs el maj dla séda dal tlèr

Prima 'd tùt 'l è fundamentêl al tlêr ed stampa serigràfica (al sdàs), che al dè d'incō al vìn preparê cun di sistéma dimòndi śvélt e precîś: da na pelìcula preparèda 'l piò dal vólti fènd stampèr un fòj trasparèint da na stampànta a 'l cumpùter, a s va a impresiunèr al tlêr prìma emulsionê cun dla śladèina sinsìbla ala lûś; l'impresiòun fotogràfica la fìsa la śladèina atâc a 'l tlèr sōl indû a n'gh'è minga la scrìta négra dal disègn ind la pelìcula, fend gnìr fòra, dôp 'd un lavâǵ a l'àqva, al tlêr finî, śbuśî sōl indû a gh'à da pasèr 'l inciòster, pròunt p'r andèr a stampèr.

Dôp ch'a s è preparê al tlêr, a s pól finalmèint andèr in stampa, cun na racla (spatla) ch'la spèlma 'l inciòster dàintr'in dal tlèr e-cmandènd-egh ed pasèr sōl a travèrs el maj dla séda coi spasi lasê śbusì da la śladèina prima impresiunèda col disègn.

'L inciòster al vin śò dal tlêr in sìm'a 'l materiêl ch'a vlòm stampèr cun la fôrma prìma impresiunèda in dal tlêr, al s egh pògia lè in sìma, pò a bsògna però anca sughér-el cun dal chèld o dl'aria 'sùta, per la só polimeriśasiòun.

Coi inciòster speciē ch'a gh'è al dè 'd incō, el stampi in serigrafìa i gh'àn dimòndi tgnùda, a la lûś, ai lavàǵ, ai śgranfègn, a 'l lavâǵ col prédi, e vìa discurènd.

Vōś lighèdi

Noti e referèinsi

Èter progêt

Colegamèint estèren