Rotònda 'd San Lorèins

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

La Rotònda tolta śò in na matèina 'd istê.

La Rotònda 'd San Lorèins (Rotonda di San Lorenzo in itagliàṅ) l'è ùna dal céśi più antìghi 'd Màntva. La s cata in dla Piàsa dagli Èrbi, edifichèda a partìr da 'l XI sécol.

La Piàsa dagli Èrbi a inìsi Novsèint, indû la Rotònda l'è incòr cuacèda da dal cà populèri ch'i gh'stàn adôs.
La Rotònda tra 'l 1908 e 'l 1911, turnèda a vèd'r-es dôp di sécol ch'l'era armèśa cuacèda ala vista.
'L intèren dla Rotònda, coi matronèi ch'i giren a l'élta tùt 'd intóren.

A pianta rotònda, cun 'n àbsid semi-circolêr, l'è costruìda in stîl romànic, cun a 'l intèren, dal culòuni 'd matòun tùt 'd intórna ch'i tinen sù di matronèi circolêr anca lōr. A gh'è armêś atâc a 'l vòlti, pôc pcòun 'd afrès'c, di sécol XI e XII, 'd scóla romànica lombèrda, 'd influèinsa biśantèina.

La só stòria

La data scrìta in sìm'a 'l mùr intèren dla céśa, minga originèla, mo la farèv crèder che la só costrusiòun la fùs tachèda in dal 1083, per deśidèri dla contèsa Matìlda 'd Canòsa, ch'la la vliva cumpàgn'ala Rotònda costruìda a Geruśalèm dintór'n a 'l Sant Sepólch'r ed Nòster Sgnōr.
A s sà che in dal 1579 la céśa la gniva sarèda a 'l cult e druèda per di quêl privê.
In dal 1908, quand la Rotònda la gniva esproprièda, la s catèva tùta schisèda da dal costrusiòun ed cà ch'i ghe stèven dintórna e adôs. La céśa la gniva acsè restavrèda, tolt vìa i mùr del cà ch'i l'avìven schisèda, e consacrèda n'ètra vòlta in dal 1926.

Soquànti figùri dla Rotònda

Vóś lighèdi

Èter progêt

Colegamèint estèren