Rosso sangue (film 1981)
|
C'l artìcul chè 'l è scrit in
Miranduléś |
 Rosso sangue
| ||
.png) La Katya Berger in na figùra dal film | ||
| Rós sànguv 1981 | ||
|---|---|---|
| Regìa: Joe D'Amato | ||
| Scritōr: George Eastman | ||
| Atōr: George Eastman • Annie Belle • Nat Bush Charles Borromel • Ted Rusoff • Kasimir Berger Hanja Kochansky • Ian Danby • Lucia Ramirez Edmund Purdom • Michele Soavi • Katya Berger | ||
| Müsica: Carlo Maria Cordio | ||
| Léngua: Itagliàṅ • Ingléś | ||
| Dürä dal film: 96 minüt | ||
| Nasiōṅ: Itàglia | ||
Rosso sangue (Rós sànguv) 'l è 'n film ad scarésa dal 1981 ad Joe D'Amato che chè al s firma cuma Peter Newton.
La pelìcula, pruibìda in dal 1984 in dal Régn Unî cuma „video nasty“ e scrita p'r al prutagunìsta George Eastman, a 'l inìsi la gh'iva da ès'r al séguit 'd Antropophagus.
Sunt
Mirkos Tanopoulos (George Eastman) 'l è 'n criminàł ciucâ in dla suca. Durànt 'n inseguimènt da part 'd un prēt grèc cuma lò (Edmund Purdom) al s fà na bruta frida a la pansa tintànd ad pasàr un cansèl e acsè na part dal sò budèli i gh sàltan fóra. La Carol Bennett (Hanja Kochansky), ch'la stà lè, la ciàma ajùt e 'l óm al finìs a 'l uśdàł, uperâ in présia p'r al dutōr Kramer (Ted Rusoff). Chi lò al fà subìt a mènt ch'al pasiènt al gh'à dal cèluli e di tesû ch'i s giùstan da par lōr sénsa prubléma in pôc tèmp, dònca 'l è praticamènt etéran. Al prevòst'r al salta sù dgénd ch'l è dvintâ acsè dòp 'n esperimènt sientìfig e che 'l ùnic punt débul ch'al gh'à 'l è 'l sarvèl.
Mirkos al gh la cava a scapàr via dòp avēr śbuśî 'l crani dn'infarméra c'n tràpan, pò 'l cópa 'n maslàr (Goffredo Unger) e 'n śōv'n in mòta, Herbert (Michele Soavi). Al manìag al finìs pò a cà di Bennett in dū la baby-sitter Peggy (Cindy Leadbetter) la tîṅ adrē a na ragasōla malàda a la culòna vertebràla e dònca custréta a lèt, la Katia (Katya Berger), e a 'l sò fradlèṅ più pìcul, Willy (Kasimir Berger). La Carol, insém a sò marè Ian (Ian Danby) i èṅ fóra a séna da di amìg.
La badànta l'è drē a spetàr l'infarméra Emily (Annie Belle), ch'la gh'à da far di sfrēg a la Katia, mo invéci a 'l us la cata Mirkos ch'al gh mòla 'n cōlp ad pigòṅ in cô. Déś minùt dòp a riva l’Emily ch'l'è misa in guàrdia da 'l dutōr Kramer ch'al gh diś che Tanopoulos 'l à masâ 'n ragàs in mòta da 'l sò bandi, dònca 'l sugerìs 'd armàgn'r a durmìr da i Bennett. Ma 'l è tut inùtil parchè 'l óm 'l al ciàpa e pò al gh brustlìs la ghigna in dal fōran.