Roma drogata: la polizia non può intervenire
|
C'l artìcul chè 'l è scrit in
Miranduléś |
 Roma drogata:la polizia non può intervenire | ||
 Bud Cort in na figùra dal film | ||
| Róma drugàda: la pulisìa la n pōl minga saltàr sù 1975 | ||
|---|---|---|
| Regìa: Lucio Marcaccini | ||
| Scritōr: Vincenzo Mannino Lucio Marcaccini • Josè Sanchez | ||
| Atōr: Bud Cort • Annarita Grapputo • Ennio Balbo Marcel Bozzuffi • Tom Felleghy • Patrizia Gori Guido Alberti • Maurizio Arena • Sammy Barbot | ||
| Müsica: Alberto Verrecchia | ||
| Léngua: Itagliàṅ | ||
| Dürä dal film: 94 minüt | ||
| Nasiōṅ: Itàglia | ||
Roma drogata: la polizia non può intervenire (Róma drugàda: la pulisìa la n pōl minga saltàr sù) 'l è 'n film dramàtic dal 1975 ad Lucio Marcaccini, ambintâ in di ambînt rumàṅ dal visi.
A 'l inìsi dal film Sammy Barbot al canta We've Got A Lord.
Sunt
Massimo Monaldi (Bud Cort) 'l è 'n studènt universitàri ch'al fà part 'd un grup ad śōvan cuntestatàri arvèrs ad sinìstra ch'al vrév arbaltàr al sistéma e ch'al n s fà minga prubléma a far-'s ad dròga che Massimo al gh'à la manéra 'd catàr in gir. La sò muróśa, la Cinzia Roldi (Annarita Grapputo), la fà part però dla Róma bèṅ acsè cuma 'l sò amìg Rudy (Settimio Segnatelli), un ragàs pîṅ ad bèsi dimóndi ligâ a sò màdar (Eva Czemerys), na cuntésa.
Par parmét'r a dū sò amìg hippies ad lasàr l'Itàglia, Dominic (Luca Bonicalzi) e la Manuscia (Rossella Or), na sira al pòrta via, cun 'l ajùt dla sò muróśa, na scatla antìga p'r al tabàc da la culesiòṅ dal pàdar dla Cinzia (Mico Cundari) ch'al dmanda a 'l cumisàri De Stefani (Marcel Bozzuffi) ad catàr-la. Chi lò al gh mét pôc a rivàr a Monaldi e 'l vrév druàr cal nutìsi lè par custrìnś'r-al a testimuniàr cónt'r al boss dal narcutràfic Buscemi (Maurizio Arena) dit „Al Sicigliàṅ“. Massimo però al diś a la pulisìa ch'al n al cgnós briśa anc parchè al gh'à biśógn dla sò dròga da cunsgnàr a Rudy par na sò fèsta e par cla drugàda pódga dla sò amìga Stefania (Graziella Scotese). A s trata d'l ùltim viàś ad Rudy méntar la Cinzia la và invéci in overdose.