Rimini Rimini

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Rimini Rimini
Rimini Rimini.png
Villaggio e la Serena Grandi in na figùra dal film
Rìmin Rìmin
1987
Regia: Sergio Corbucci
Scritùr: Mario Amendola • Massimo Franciosa
Bruno Corbucci • Sergio Corbucci • Maurizio Micheli
Marco Risi • Gianni Romoli • Bernardino Zapponi
Atùr: Paolo VillaggioJerry CalàSerena Grandi
Laura AntonelliMaurizio MicheliGigi Sammarchi
Andrea RoncatoSylva KoscinaGiuliana Calandra
Elvire AudraySebastiano SommaLivia Romano
Adriano PappalardoEleonora Brigliadori
Müsica: RigheiraGiuni RussoPeppino di Capri
Raoul CasadeiSamantha FoxLoredana Berté
Renzo ArboreEdoardo Bennato e àt'r incóra
Lengua: ItagliàṅEmigliàṅ
IngléśFrancéśTedésc
Dürä dal film: 210 minüt
Nasiòṅ: Itàglia


Rimini Rimini (Rìmin Rìmin) l'è na cumèdia itagliàna dal 1987 ad Sergio Corbucci.

La pelìcula, ch'l'è stada scurtàda a dū óri in dal versiòṅ su caséta e in DVD, la gh'à abû 'n séguit 'l an dòp da 'l tìtul Rimini Rimini - Un anno dopo. In tut l'à fat sù dagnóra tri migliàrd ad franc a 'l cìnema.

Sunt

La vita 'd soquànt persunàǵ i s incróś'n a Rìmin, durànt al vacànsi 'd Istâ.

La milanéśa Liliana Corsi (Eleonora Brigliadori), in vacànsa in Rumàgna insém a la sò amìga Simona (Monica Scattini), la pésca 'n óm ch'al gh dàppia dū cōlp ma la và in biànc prima c'n al culturìsta Conan (Alex Vitale), pò c'n al latin lover śburòṅ Max Ponchielli (Gigi Sammarchi) e p'r ùltim cun Jerry (Sebastiano Somma) in discutéca. A gusàr-la a gh pinsarà pò a surpréśa 'l masćèṅ dla sò amìga.

Gianni Bozzi (Jerry Calà) al s cata in dla sità rumagnōla par cunclùdar 'n afâr imubiliàr cun 'l inśgnēr Carlo Pedercini (Paolo Bonacelli). Esénd che chi lò al gh cata gust a far-'s al mujēr di sò cliènt, Gianni al s preśénta sèg cun na putàna, la Marisa “Dal Tri Funtàni” (Livia Romano), faghénd-ag crédar ch'la sia la sò spóśa, giùst p'r avēr 'n ajùt par firmàr al cuntràt.

La maslàra rumàna Noce Bovi (Laura Antonelli), cardénd che sò marè Gustavo (Adriano Pappalardo) al sia fugâ mént'r in barca i śugàv'n a la “carióla”, la s buta in di bras 'd 'n artìsta lòfi ch'al vrév far caréra in dal mónd da spetàcul, Pino Tricarico (Maurizio Micheli). Quànd però Gustavo al tórna da lē, esénd scampâ a la mòrt, la dóna la 'l mòla in quàt'r e quàt'r òt.

Al magistrâ dasćiòlda-crist Gildo Morelli (Paolo Villaggio) al finìs vitma 'd un tragatèṅ strulgâ da dóna cundanàda in pasâ da lò, la Lola Sarti (Serena Grandi). Chi lē la gh fà créd'r ad vlēr tacàr na stòria sèg mo invéci la fà in manéra ch'al sia tirâ śò da spés da 'n paparàś a 'l sò servìsi in situasiòṅ vargugnóśi preparàdi da lē. Quànd a la fiṅ la s pintìs decidénd ad dvintàr la sò dóna dabòṅ, al giùdas al s mét invéci cun Tricarico.

Al prēt don Andrea (Andrea Roncato) 'l è in imbaràs quànd 'l è custrét a ciuciàr al còrp mèś nûd dna dóna furastéra vitma in mâr dal méduśi (Elvire Audray) par far-ag pasàr al dulōr di murśgòt. Sōl in séguit al vîṅ a savēr che la biónda l'è na sōra ch'la gh'à da lauràr sèg in misiòṅ in Nurvégia.

Culegamènt estéran