Riflessi di paura

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Mirrors
Riflessi di paura
Riflessi di paura.png
L'Amy Smart in na figùra dal film
Riflès ad paùra
2008
Regia: Alexandre Aja
Scritùr: Alexandre Aja • Grégory Levasseur
Atùr: Kiefer SutherlandPaula PattonAmy Smart
Cameron BoyceMary Beth PeilJohn Shrapnel
Müsica: Javier Navarrete
Lengua: Ingléś
Dürä dal film: 110 minüt
Nasiòṅ: Stat UnîRumanìaGermàgna
SpaggnaFrància


«
A gh'è 'l mâł... da cl'atra banda.»
(Tagline dal film)


Riflessi di paura (Riflès ad paùra) 'l è 'n film ad scarésa dal 2008 'd Alexandre Aja, arfacimènt 'd un film sudcureàṅ dal 2003, Into the Mirror (Geoul sokeuro). 'L è stâ girâ dagnóra tut in Rumanìa in dl'Acadèmia dal siénsi ad Bùcarest, un palàs minga finî dal tut dòp la mòrt ad Nicolae Ceauşescu. In dal 2010 al gh'à abû 'n séguit vgnû fóra diretamènt par l'home video, Riflessi di paura 2 ad Víctor García.

Custâ trénta-sinc migliòṅ ad dòlar a 'l incìrca, al 'n à pò purtâ a cà da piò ad stanta-sèt.

Sunt

Dòp che Gary Lewis (Josh Cole), al guardiàṅ 'd un palàs destinâ a la cadéna 'd supermarcâ dimóndi grand “Mayflower” ma bandunâ a séguit 'd 'n inséndi, al s è tòlt la vita tajànd-as la góla c'n un vēdar 'd un spèć, al custôd Lorenzo Sapelli (John Shrapnel) al dà 'l incàr'g ad tgnir 'd òć 'l edifìsi a 'n èx pulisiòt, Ben Carson (Kiefer Sutherland). Chi lò adès 'l è dimóndi śò e 'l à tacâ anc a bévar dòp ch'l à masâ òṅ durànt al sò lavōr. Separâ da sò mujér Amy (Paula Patton) e da i sò dū fiōi Michael (Cameron Boyce) e la Daisy (Erica Gluck), adès al s è stablî a cà 'd sò surèla Angela (Amy Smart) ch'l'è puta e ch'la lavóra in un bar.

Durànt i prim giōran pasâ in dal palàs, Ben al capìs subìt che lè dènt'r a gh'è quèl ch'a traśa e al s mét in tèsta ch'al spèć grand al vōl ch'al guardiàṅ al catìs par lò un tisi ciamâ “Esseker”, al stés quèl dmandâ a Gary e anc a 'l guardiàṅ ad prima, Terrence Berry (Ezra Buzzington). Ben al ricév anc un pac da part ad Gary, che lò al n à mai cgnusû, cun di artàj ad giurnàł chi cònt'n i fat ad quànd al palàs 'l à ciapâ fōg.

Dòp che l’Angela l'à gh à dit ad catàr-as 'n àtar pòst, la sò figùra in dal spèć la taca a scavśàr-as via la ganàsa c'n al maṅ e la dóna la mōr in dal méntar ch'l'éra drē a far-'s un bagn. Ben al dmanda a 'l sò vèć amìg da i tèmp dla pulisìa, Larry (Jason Flemyng), ad catàr-ag c'l “Esseker” lè fra gl'abitànt ad New York ma a n gh'è gnint da far. Par prutèś'r almànc i suo al và subìt a cà 'd sò mujér par purtàr via tut i spèć o a pituràr-i. Sōl in séguit al vèṅ a savēr che prima ch'i tirìsan sù al “Mayflower” in cal sit lè a gh'éra 'n uśdàł psichiàtric e che “Esseker” 'l éra 'l cugnóm dna putìna ad dód'ś an schisufrènica ciamàda Anna (Mary Beth Peil) ch'l'éra sōl vgnuda fóra da là da dū dè prima che tut chi àtar malâ i s cupìsun 'l un cun c'l àtar.

Culegamènt estéran