Regine per un giorno
|
C'l artìcul chè 'l è scrit in
Miranduléś |
 Reines d'un jour
| ||
| Regine per un giorno | ||
 La Karin Viard in na figùra dal film | ||
| Regìni p'r un dè 2001 | ||
|---|---|---|
| Regìa: Marion Vernoux | ||
| Scritōr: Marion Vernoux • Nathalie Kristy | ||
| Atōr: Karin Viard • Hélène Fillières • Sergi López Victor Lanoux • Jane Birkin • Gilbert Melki • Melvil Poupaud | ||
| Müsica: Alexandre Desplat | ||
| Léngua: Francéś | ||
| Dürä dal film: 96 minüt | ||
Regine per un giorno (Regìni p'r un dè) 'l è na cumèdia dal 2001 ad Marion Vernoux fata spindénd 20 migliòṅ ad franc francéś. La pelìcula l'è stada preśentàda a 'l 58śum Fèstival ad Venèsia.
Par cal film chè l'Hélène Fillières l'è stada numinàda a i César dal 2002 cuma mijóra atōra śóvna.
Sunt
Quàtar stòri ad dóni cuntàdi da òt óri dla matìna rivànd a siē óri dal dè dòp, in dal Dicémbar dal 2000 a Parì.
La Marie Larue (Hélène Fillières), na śuvnòta ad vint-quàt'r an pagàda par far dal fòto a di matrimòni, la và a lèt cun al marè dla spóśa e pò la vèṅ a savér 'd aspetàr un fiōl da lò. Luis Del Sol (Sergi López), autìsta 'd àutubus, durànt al sò lavōr al vèṅ mulâ da sò mujér. L’Hortense Lassalle (Karin Viard), na dóna impgnàda cun dū fiōi ch'la fà ad mistēr qvéla ch'la curèś quéi ch'i sa śbalìan dascurénd, la decìd ad mét'r i còran a sò marè. Dòp avér fat in manéra ad cunvìns'r-al a partìr, la s mét 'd acòrd cun al sò amànt p'r andàr a lèt sèg ma chi lò, avénd pardû al sò telefunèṅ, al n pōl briśa rispónd'r-ag. Maurice Degombert (Victor Lanoux), vèć prudutōr televiśìṿ dvintâ 'n imbariagòs in cal méntar, 'l aspèta pîṅ ad pinsēr la dóna ch'la 'l iva lasâ vint an prima. Daśmindgàda a scōla da i sò genitōr, la pìcula Lucie (Manon Gaurin) la s mét in tèsta 'd èsar stada bandunàda.