Razorback: oltre l'urlo del demonio
|
C'l artìcul chè 'l è scrit in
Miranduléś |
 Razorback
| ||
| Razorback: oltre l'urlo del demonio | ||
 L'Arkie Whiteley in na figùra dal film | ||
| Razorback: ólt'r al sîg dal demòni 1984 | ||
|---|---|---|
| Regìa: Russell Mulcahy | ||
| Scritōr: Peter Brennan • Everett De Roche | ||
| Atōr: Gregory Harrison • Arkie Whiteley • Bill Kerr Chris Haywood • David Argue • Judy Morris John Howard • John Ewart • Redmond Phillips Don Smith • Mervyn Drake • Rick Kennedy | ||
| Müsica: Iva Davies | ||
| Léngua: Ingléś | ||
| Dürä dal film: 95 minüt | ||
| Nasiōṅ: Austràglia | ||
Razorback: oltre l'urlo del demonio (Razorback: ólt'r al sîg dal demòni) 'l è 'n film ad scarésa dal 1984 ad Russell Mulcahy fat c'n un budget stimâ 'd sinc migliòṅ e sinc ad dòlar austragliàṅ.
Al regìsta 'l à dit ch'al prudutōr dla pelìcula al gh'à śibî 'd far-la dòp avér vdû 'l vìddeo 'd Hungry Like The Wolf di Duran Duran girâ da lò.
Sunt
Méntar Jake Cullen (Bill Kerr), da braṿ nunòṅ, al tîṅ adrē a 'l sò anvōd pìcul, tut 'd un trat a riva in cà un signalòṅ rabî dla rasa razorback ch'al gh pòrta via 'l putèṅ par pò magnàr-al. Al vèć al finìs a prucès ma a la fiṅ i giùdas i al màndan lìbar cardénd a la sò stòria.
Dū an dòp la giurnalìsta americàna Beth Winters (Judy Morris) la riva in Austràglia, da cal bandi lè, par far di servìsi cóntar di maslàr ch'i màs'n i cangûr fargànd-'s-an di dirìt dal bèsti. Dū 'd chi lōr, Benny Baker (Chris Haywood) e sò fradèl Dicko (David Argue), i próan a viulentàr-la par far-'g-la pagàr ma a 'l impruvìś a riva 'l razorback ch'al masa la dóna méntar lōr i scàpan via.
Da New York a riva sò marè Carl (Gregory Harrison) par pascàr-la e 'l dmanda ajùt prima a Jake e pò anc a la Sarah Cameron (Arkie Whiteley), na risercadōra ch'la stùdia la vita di signài. Cal bèsti chè i aṅ tacâ a dvintàr catìvi par via dal stress ch'i patìsan.