Rattlers
|
C'l artìcul chè 'l è scrit in
Miranduléś |
 Rattlers
| ||
| Rattlers | ||
 La Celia Milius in na figùra dal film | ||
| Sarpènt a sunàj 1976 | ||
|---|---|---|
| Regìa: John McCauley | ||
| Scritōr: Jerry Golding • John McCauley | ||
| Atōr: Sam Chew Jr. • Elisabeth Chauvet • Dan Priest Ronald Gold • Al Dunlap • Dan Balentine • Jo Jordan | ||
| Müsica: Miles Goodman | ||
| Léngua: Ingléś | ||
| Dürä dal film: 82 minüt | ||
| Nasiōṅ: Stat Unî | ||
Rattlers (Sarpènt a sunàj) 'l è 'n film ad scarésa americàṅ dal 1972 ad John McCauley ch'al 'l à anc scrit e prudót. 'L è stâ girâ in dal deśèrt ad Mojave in Califòrgna.
Sunt
Dòp che dū śōvan ragasōi i èṅ murśgâ a mòrt da soquànt sarpènt a sunàj dimóndi rabî in un paiśèṅ deśèrtic dla Califòrgna, al sierìf Gates (Tony Ballen) al ciàma in ajùt al dutōr Tom Parkinson (Sam Chew Jr.), ch'l è 'n prufesōr universitàri ad Los Angeles, par capìr cum è-la che cal bisi là i gh'aṅ al diav'l adòs. Chi lò al s fà dar na maṅ par l’Ann Bradley (Elisabeth Chauvet), na dóna ch'la fà la futògrafa e ch'la tōś sèmpar la part dal fémni.
In séguit a di àt'r atàc, na dóna (Celia Milius) la mōr méntar la s fà n bagn, Tom al capìs ch'a gh'è quèl ch'a traśa in dla bâś militàra dal culunèl Stroud (Dan Priest), òṅ ch'al fà da tut par métar-'s cóntar 'd lōr. Sōl al mèdag e capitàṅ Delaney (Ron Gold) al śibìs al sò ajùt. A sucéd pò ch'i sarpènt i daṅ adòs a dū suldâ in jeep, Palmer (Darwin Joston) e Woodley (Gary Van Ormand), cupànd-i.
Al segrét 'l è 'n gas sperimentàł ciamâ “CD3” ch'al fà dvintàr rabî mat i èsar vivènt. 'L è stâ studiâ par far andàr fóra 'd tèsta i suldâ nemìg ma invéci i gh'èṅ andâ 'd mèś i sarpènt.