Quello che gli uomini non dicono (film)
|
C'l artìcul chè 'l è scrit in
Miranduléś |
 Selon Charlie
| ||
| Quello che gli uomini non dicono | ||
.png) Patrick Pineau in na figùra dal film | ||
| Qvél che chi óm i n dìśan briśa 2006 | ||
|---|---|---|
| Regìa: Nicole Garcia | ||
| Scritōr: Frédéric Bélier-Garcia Jacques Fieschi • Nicole Garcia | ||
| Atōr: Jean-Pierre Bacri • Benoît Poelvoorde Vincent Lindon • Benoît Magimel • Arnaud Valois Patrick Pineau • Minna Haapkylä • Sophie Cattani Ferdinand Martin • Grégoire Leprince-Ringuet Philippe Magnan • Samir Guesmi • Jérôme Robart | ||
| Müsica: Amélie de Chassey • Delphine Mathieu | ||
| Léngua: Francéś • Ingléś • Tedésc • Finlandéś | ||
| Dürä dal film: 140 minüt | ||
| Nasiōṅ: Frància | ||
Quello che gli uomini non dicono (Qvél che chi óm i n dìśan briśa) 'l è 'n film dramàtic francéś dal 2006 dla Nicole Garcia.
La pelìcula, preśentàda a 'l 59śum Fèstival ad Cannes, l'è custàda dagnóra òt migliòṅ ad dòlar e la 'n à fat sù òṅ da piò.
Sunt
Jean-Louis Bertagnat (Jean-Pierre Bacri) 'l è 'l sìndig dna sitadìna a nòrd dla Frància ch'la dà su 'l Ucéan Atlàntic. Al pulìtig 'l è in campàggna eleturàla e 'l urganìśa na cunferénsa stampa davànti a i giurnalìsta c'n al prufesōr Mathieu Darrois (Patrick Pineau), paleuntòlug famóś a livèl mundiàl ch'l è péna rivâ in dal paéś in du 'l è nâ par tgnir un seminàri su di scâṿ ch'l à fat in gir p'r al mónd. Al sò culaburadōr Ballhaus (Jérôme Robart) al 'l è andâ a tōr a la stasiòṅ dòp un viàś in Lussembûrgh. Su 'l trêṅ, insém a 'l sò amìg Thierry (Grégoire Leprince-Ringuet), a gh'éra anc al śugadōr ad tènis Adrien Thomas (Arnaud Valois) ch'l à péna pardû la finàl dal Master Mila 'd Parì-Bercy.
Faghénd un gir a 'l istitùt Descartes, Mathieu 'l arcgnós al prufesōr ad siénsi Pierre Salingier (Benoît Magimel) che na vòlta al fava part dal sò grup. Chi lò adès al s è spuśâ cun na finlandéśa ciamàda Nora (Minna Haapkylä) ch'la gh mét i còran cun Serge Torres (Vincent Lindon), fiśiuterapìsta pàdar 'd òṅ di sò studènt, Charlie (Ferdinand Martin), ch'al s è stufâ 'd sò mujēr (Valérie Benguigui). Anc al sìndig al gh'à n'amànta, na śōvna 'd vint-sinc an ciamàda Séverine (Sophie Cattani), ma 'l sò staff al gh cunsìlia 'd mulàr-la par via di elesiòṅ ch'i èṅ drē a rivàr.
In chi dè lè Joss (Benoît Poelvoorde), ch'al lavóra da camarēr in un bar cun na sala da bal, al strulga 'n piàṅ par fargàr un televiśōr nóṿ a na vècia, cun 'l ajùt 'd 'n àrab ciamâ Mo (Samir Guesmi) cgnusû in di fèr-vèć.