Quelle due

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Children's Hour
Quelle due
Quelle due.png
Garner, la Hepburn, la Bainter e la MacLaine
in na figùra dal film
Cal dū là
1961
Regia: William Wyler
Scritùr: Lillian Hellman • John Michael Hayes
Atùr: Audrey HepburnShirley MacLaine
William MimsHope SummersMiriam Hopkins
Veronica CartwrightKaren BalkinMimi Gibson
Fay BainterJames GarnerDebbie Moldow
Müsica: Alex North
Lengua: Ingléś
Dürä dal film: 107 minüt
Nasiòṅ: Stat Unî


«
Na bala e basta l'à ruinâ tut qvél ch'i gh'ìvan.»
(Tagline dal film)


Quelle due (Cal dū là) 'l è 'n film dramàtic dal 1961 ad William Wyler trat da na pièce teatràla dla Lillian Hellman.

Al film, girâ in biànc e négar, 'l è 'n arfacimènt dal film La calunnia dal 1936. Quelle due 'l è stâ numinâ par sinc vòlti p'r i prèmi Òscar dal 1962.

Sunt

La Karen Wright (Audrey Hepburn) e la Martha Dobie (Shirley MacLaine) i èṅ dū insgnànti ch'i pòrt'n avànti na scōla privàda par baghéti. Al ròbi p'r al dū amìghi i vànan dimóndi bèṅ e la Karen la gh'à in prugèt ad spuśàr-as c'n al dutōr Joe Cardin (James Garner).

Un dè però una dal sò studènti, la Mary Tilford (Karen Balkin), par vendicàr-as dna punisiòṅ ch'i gh'ìvan fat patìr, la s invénta ch'al dū mistri i eṅ amànti e ch'i s pàs'n al tèmp a far dal purcàdi a scōla la sira. La cònta incòsa a sò nunóna, l’Amelia (Fay Bainter). ch'la fà sù 'n caśèṅ in paéś, c'n i genitōr ch'i tac'n a tiràr via 'l sò fiōli da la scóla che acsè l'è custréta a saràr. Anc Joe al pèrd al pòst a 'l uśdàł in du 'l lavóra parchè al s éra parmìs 'd mét'r-as da la banda dal dū mistri.

Quànd una dal baghéti la cònta la véra, la sità la próa a catàr un rimèdi a tut al mâł ch'l'à fat ma 'l è tròp tard. La Martha, ch'in cōr suo la vliva bèṅ dabòṅ a la Karen, dasfàta da 'l dulōr, la decìd ad tōr-as la vita impicànd-as.

Culegamènt estéran