Quattro a Venezia
|
C'l artìcul chè 'l è scrit in
Miranduléś |
 2 Männer, 2 Frauen- 4 Probleme!? | ||
| Quattro a Venezia | ||
 La Van Mieghem e Burkhard in na figùra dal film | ||
| Quàt'r a Venèsia 1998 | ||
|---|---|---|
| Regìa: Vivian Naefe | ||
| Scritōr: Vivian Naefe • Walter Kärger Barbara Jago • Pamela Katz | ||
| Atōr: Aglaia Szyszkowitz • Hilde Van Mieghem Heino Ferch • Gedeon Burkhard • Stefan Rutz Clemens Jakubetz • Pamela Marquardt Frank Heide • Jan-Gregor Kremp • Daniele Legler Luigi Tortora • Katharina Zapatka • Pierre Shrady | ||
| Müsica: Dieter Schleip | ||
| Léngua: Tedésc | ||
| Dürä dal film: 93 minüt | ||
| Nasiōṅ: Germàgna | ||
Quattro a Venezia (Quàt'r a Venèsia), cgnusû in Itàglia anc cuma “In fuga a Venezia”, l'è na cumèdia tedésca dal 1998 dla Vivian Naefe.
Sunt
Nick (Heino Ferch) e la Charlotte (Hilde Van Mieghem) i èṅ na còpia ad spóś tedésc più impgnâ a far sù di bèsi che par 'l amōr o 'l sès, a part al martedè. La dóna, ch'la n s cuntènta minga, la cata 'l amànt in Luis (Gedeon Burkhard), artìsta 'd quàtar sòld marè dl’Eva (Aglaia Szyszkowitz) e pàd'r ad dū putèṅ ad tri e siē an, la Rosa (Pamela Marquardt) e Florian (Clemens Jakubetz). Cla còpia chè la scampa purtànd avànti un risturànt.
Un dè la Charlotte e Luis i decìd'n ad pasàr un fiṅ 'd stmana da par lōr a Venèsia ma sò mujér la 'l vîṅ a savēr par caś e alóra la decìd ad partìr par l'Itàglia insém a Nick, parténd da Mònag 'd Bavéra in màchina. Purtròp par lōr i 'rmàgn'n a pē lung la strada e i èṅ custrét a dmandàr un pasàǵ in autostop. Ma anc a Luis al ròbi i n vànan minga tant bèṅ parchè al s mala e 'l è custrét a star in dla cambra d'l hutèl.
Quànd Nick, ch'al n s cumpatìs minga i putèṅ, e l’Eva i rìv'n a Venèsia i aṅ finî tut i bèsi, i gh'aṅ i vistî sćiancâ e bruśâ e i èṅ sénsa carta 'd crèdit e sénsa pasapòrt.