Quadèren

Da Wikipedia.
C'l artìcul chè 'l è scrit in Carpśàn Emiliàn


Un quadèren scrìt fìs.

Al quadèren[1] (quaderno in itagliàṅ) 'l è 'n insèm ed fój 'd chèrta tgnû strìc da du o tri ganć, o anc da na cuśdùra, indû a s egh pòsa scrìver di quêl pugènd-es in sìm'a i só rîg o ai só quadrèt stampê o anca in dal só pàśni biànchi.

Ed quadèren a s in cata ed soquànt formêt diferèint, da quī ch'a dróva i putèin a scóla, A5 e A4 a di formêt più cìc e anca ed fantaśìa.

Ed lung al tèimp, soquànt scritōr i àn druê di quadèren per butèr śò i só pinsér, ciamènd pò anc acsè soquànt só lavōr, c'ma p'r eśèimpi 'l iva fât al Gramsci coi só Quaderni dal carcere o al Valéry coi só Cahiers, e pò anca di èter.

Manéri ed dìr

  • (EGL) Ê-'t mìs al quadèr'n in dla cartèla? (IT) Hai messo il quaderno in cartella?

Vōś lighèdi

Noti e referèinsi

  1. (CARPŚ) e (IT) In dal "Dizionario del dialetto carpigiano" ed Grasiàn Malagòli e Anna Marìa Ori, Mòdna 2011, a s escrìv: quadèeren.

Èter progêt

Colegamèint estèren