Python - Spirali di paura
|
C'l artìcul chè 'l è scrit in
Miranduléś |
 Python
| ||
| Python - Spirali di paura | ||
 La Jenny McCarthy in na figùra dal film | ||
| Pitòṅ - Spiràł 'd paùra 2000 | ||
|---|---|---|
| Regìa: Richard Clabaugh | ||
| Scritōr: Phillip J. Roth • Chris Neal Gary Hershberger • Paul Bogh | ||
| Atōr: Frayne Rosanoff • Casper Van Dien Robert Englund • William Zabka • Dana Barron Sara Mornell • Wil Wheaton • Jenny McCarthy Chris Owens • Sean Whalen • Scott Williamson | ||
| Müsica: Daniel Nielsen | ||
| Léngua: Ingléś | ||
| Dürä dal film: 99 minüt | ||
| Nasiōṅ: Stat Unî | ||
Python - Spirali di paura (Pitòṅ - Spiràł 'd paùra), cgnusû anc sōl cuma Python, 'l è 'n film ad scarésa e 'd asiòṅ americàṅ dal 2000 ad Richard Clabaugh, fat par la televiśiòṅ.
La pelìcula, giràda in Califòrgna fra Santa Clarìta, Los Angeles e Malibù, la gh'à abû pò tri séguit: Pythons 2 (2002), New Alcatraz (2002) e Boa vs. Python (2004).
Sunt
'N aparéć militàr ch'l éra drē a purtàr in Califòrgna un pitòṅ gigànt carsû in Àśia, al vîṅ śò darènt a la sitadìna 'd Ruby quànd cla bèstia là la s arvòlta cun 'l equipàǵ. Al rètil al scampa a 'l diśàstar e 'l taca a 'ndàr a casa 'd cristiàṅ cuma la còpia 'd amìghi furmàda da la Roberta (Kathleen Randazzo) e da la Lisa (LoriDawn Messuri), surpréśi da par lōr ad nòt in campéǵ.
La matìna dòp John Cooper (Frayne Rosanoff), ch'al s catàva da cal bandi là par na gita insém a la sò muróśa Kristin (Dana Barron), a 'l sò amìg Tommy (Wil Wheaton) e a la sò ragàsa Theresa (Sara Mornell), 'l incróśa darènt a 'n lâg al sarpènt persunàł dla Lisa. Quànd al cadàvar dla śōvna al vîṅ catâ in di camp tut dasfàt, cuma s'al fus stâ cunsumâ da di àcid, al vice sierìf Greg Larsen (William Zabka) al taca a suspetàr 'd lò parchè al lavóra in un negòsi ch'al vénd chi prudót lè. La vitma però l'è stada ardùta acsè da la bava dal pitòṅ ch'adès al và a spas in gir par catàr di àtar còrp da magnàr cuma qvél ad cla purcùsa dla Francesca Garibaldi (Jenny McCarthy).
In cal méntar 'l agìnt dla NSA Bart Parker (Casper Van Dien), par savēr-an da piò, al fà dal dmandi a 'l siensiâ espèrt ad bisi Anton Rudolph (Robert Englund).