Punt ad Lagrange

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

I sinc punt ad Lagrange


I Punt ad Lagrange i èṅ sinc puśisiòṅ in dla spasi in dua di còrp celèst cic cun masa M3, cuma di satèlit o di asteròid, i pōlan catàr 'n equilìbri par prilàr 'd intór'n a 'n còrp dimóndi ma dimóndi più grand cun masa M1, cum a pōl èsar na stéla a 'l sèntar, sparténd l'òrbita 'd 'n àtar còrp più grand cun masa M2, cum a pōl ès'r un pianēd, valénd la relasiòṅ M1 M2 M3. In chi punt chè, ch'i ciàp'n al nóm da 'l matemàtig itagliàṅ Joseph-Louis Lagrange ch'al i à calculâ in dal 1772, al fòrsi gravitasiunàli di dū còrp più grand i fànan para cun la fòrsa sentripéda dal còrp cic.

I punt i èṅ stâ batśâ cuma L1 e L2 (subìt prima o subìt dòp dal còrp cun masa M2 lung la riga ch'la 'l unìs a 'l còrp a 'l sèntar), cuma L3 (ch'al s cata da cl'atra banda in dl'òrbita rispèt a 'l còrp cun masa M2) e cuma L4 e L5 (60° davànti o dadrē da 'l còrp celèst cun masa M2). Chi ùltim dū punt chè i èṅ dit anc punt ad Lagrange triangulàr o punti trujàṅ parchè i èṅ i punt in du da spés i s càtan gl'asteròid trujàṅ cuma qvéi 'd Giôv.