Prossima fermata: l'inferno

Da Wikipedia.

C'l artìcul chè 'l è scrit in Miranduléś Emiliàn

The Midnight Meat Train
Prossima fermata: l'inferno

Bradley Cooper e la Bibb in na figùra dal film
Farmàda a vgnir: 'l infèran
2008
Regìa: Ryūhei Kitamura
Scritōr: Clive Barker • Jeff Buhler
Atōr: Bradley CooperLeslie BibbRoger Bart
Brooke ShieldsVinnie JonesTony Curran
Ted RaimiBarbara Eve HarrisDan Callahan
Müsica: Robb Williamson • Johannes Kobilke
Léngua: Ingléś
Dürä dal film: 100 minüt
Nasiōṅ: Stat Unî


«
La cursa più spavintóśa l'è drē a partìr.»
(Tagline dal film)


Prossima fermata: l'inferno (Farmàda a vgnir: 'l infèran) 'l è 'n film ad scarésa dal gènar “masèl” dal 2008 dal giapunéś Ryūhei Kitamura trat da 'l racònt “Macelleria mobile di mezzanotte” dla racòlta “Infernalia” ad Clive Barker ch'al 'l à anc prudót insém a Quentin Tarantino e a di àtar.

Al film 'l à muciâ sù tri migliòṅ e mèś ad dòlar ma al 'n éra custâ quìndas.

Sunt

Leon Kauffman (Bradley Cooper) 'l è 'n futógrafar śōvan ad New York spuśâ cun la Maya (Leslie Bibb). Un dè la pruprietària dna galerìa 'd art, la Susan Hoff (Brooke Shields), la gh dà 'l incàrag ad tōr śò di fat ch'i sucéd'n ad nòt parchè la gh'à da far n'espuśisiòṅ.

Méntar 'l è drē a far al sò lavōr in dla metro, Leon 'l incróśa al masadōr seriàł Mohagany (Vinnie Jones), cgnusû cuma 'l "Maslàr dla Metro". Anc a cóst ad mét'r-as in perìcul, al ragàs al s fà tōr da la śmagna e al fà dal foto a 'l sasèṅ ch'al cópa òṅ in sal trêṅ. I dū i rìvan pò a piciàr-as e Leon al và in a risć ad lasàr-'g al péni. La matìna dòp al s déśda da par lò in na stasiòṅ bandunàda davśèṅ a 'l masèl.

Culegamènt estéran