Primos

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Primos
Primos
Primos.png
Quim Gutiérrez e Raúl Arévalo in na figùra dal film
Cuśèṅ
2011
Regia: Daniel Sánchez Arévalo
Scritùr: Daniel Sánchez Arévalo
Atùr: Quim GutiérrezInma CuestaRaúl Arévalo
Antonio de la TorreAdrián LastraClara Lago
Müsica: Julio de la Rosa
Lengua: SpagnōlIngléś
Dürä dal film: 98 minüt
Nasiòṅ: Spaggna


«
La tò muróśa la t pōl anc mulàr, lì lōr nò.»
(Tagline dal film)


Primos (Cuśèṅ) l'è na cumèdia spagnōla dal 2011 scrita e dirèta par Daniel Sánchez Arévalo. L'è stada giràda in dla primavéra dal 2010 in dla regiòṅ dla Cantàbria.

La pelìcula la gh'à abû dū nomination a i Prèmi Goya dal 2012.

Sunt

Al pòvar Diego (Quim Gutiérrez) al vîṅ mulâ a 'l ùltim da la sò muróśa Yolanda (Núria Gago) quànd particamènt 'l éra tut prònt p'r al matrimòni. A tiràr-al sù i gh pèns'n i sò cuśèṅ José Miguel (Adrián Lastra), un śōvan cun na bénda in 'n òć ch'al gh'à sèmpar biśógn ad tōr dal madśìni parchè 'l è mèś mat, e Julián (Raúl Arévalo). Chi lò al gh śibìs 'd andàr a pascàr insém la sò vècia muróśa a i tèmp dla scōla, la Martina (Inma Cuesta). Turnâ in paéś a Comillas i tri i incróśan subìt Bachi (Antonio de la Torre), qvél dal vìddeo-nuléǵ ch'l andàva sèmp'r a pascàr cun Julián ma che adès 'l è dvintâ 'n imbariagòs, e pò la Martina par caś, vgnénd a savēr ch'la gh'à bèla 'n putèṅ ciamâ Dani (Marcos Ruiz), giusà chi 'l è 'l pàdar.

Méntar Julián al gh próa cun la fiōla rója 'd Bachi, la Clara (Clara Lago), Diego al finìs a lèt cun la Martina faghénd al bis dòp la prima gusadìna sèg da i tèmp dla scōla. José Miguel, da 'l cant suo, al dvènta amìg ad Dani, ipocundrìac cuma lò. Un dè a s fà viva anc la Yolanda parchè la vōl turnàr insém a Diego.

Culegamènt estéran