Presidènt d'l Azerbaigiàn
C'l artìcul chè 'l è scrit in
Miranduléś |
La custitusiòṅ azéra la diś ch'al presidènt d'l Azerbaigiàn al rapreśénta 'l putēr eśecutìṿ, al cmandànt in cap e 'l stat in dla pulìtica intèrna e èstra e dònca al gh'à l'imunità da la giustìsia urdinària. Al presidènt 'l è bòṅ ad purtàr avànti al sò mandâ par via d'l ufìsi presidensiàł furmâ da 'n grup ad segretàri e 'd minìstar. Inólt'r al gh'à a dispuśisiòṅ un gabinét ministeriàł ch'al gh'à 'l còmpit, specialmènt, ad tgnir adrē a 'l pulìtichi suciàli e ecunómichi e anc un Cunsìli 'd Sicurésa p'r al questiòṅ ligàdi a 'l matèri militàri e giudisiàri.
Al presidènt in carga da 'l 2003 'l è Ilham Əliyev ch'l à tòlt al pòst ad sò pàdar Heydər Əliyev ch'l iva ciapâ 'l putēr c'n un cōlp ad stat in di cunfrònt dal presidènt 'd in alóra, Abülfaz Elçibay.