Plata quemada
|
C'l artìcul chè 'l è scrit in
Miranduléś |
 Plata quemada
| ||
 Leonardo Sbaraglia in na figùra dal film | ||
| Bèsi bruśâ 2000 | ||
|---|---|---|
| Regìa: Marcelo Piñeyro | ||
| Scritōr: Marcelo Figueras Ricardo Piglia • Marcelo Piñeyro | ||
| Atōr: Leonardo Sbaraglia • Eduardo Noriega Pablo Echarri • Leticia Brédice • Ricardo Bartis Dolores Fonzi • Carlos Roffé • Claudio Rissi | ||
| Müsica: Osvaldo Montes | ||
| Léngua: Spagnōl | ||
| Dürä dal film: 125 minüt | ||
| Nasiōṅ: Argentìna • Spaggna • Uruguày | ||
Plata quemada (Bèsi bruśâ) 'l è 'n film dramàtic dal 2000 ad Marcelo Piñeyro trat da 'l rumànś umònim ad Ricardo Piglia ispirâ a di fat sucès dabòṅ in dal 1965 a Buenos Aires durànt na rapìna in banca.
'L è stâ preśentâ a 'l 57śum Fèstival ad Venèsia e 'l à vins al Prèmi Goya p'r al film furastēr in léngua spagnōla più bèl. La pelìcula l'è custàda sèt migliòṅ ad dòlar a 'l incìrca ma pò la 'n à fat sù da piò ad quarànta-quàtar.
Sunt
Al làdar El Nene (Leonardo Sbaraglia) e 'l vagabónd Angel (Eduardo Noriega) i s incróś'n in di cèso dla stasiòṅ dla metrupulitàna 'd Buenos Aires e dal cal mumènt lè i n s làsan piò faghénd-as ciamàr “I Śmèi” parchè i s sumìlian dimóndi. I tàc'n anc na relasiòṅ insém.
I dū i strùlg'n un piàṅ par rapinàr un camion blindâ insém a 'n àtar grup ad delinquènt patintâ: al drugâ pódag El Cuervo (Pablo Echarri) insém a la sò muróśa purcùsa nimàla Vivi (Dolores Fonzi), al cap Fontana (Ricardo Bartis) e 'l avucàt Nando (Carlos Roffé). Durànt al cōlp Angel 'l armàgn frî e Nene, par l'arlìa, al masa dū agìnt. La pulisìa la cata la baś dal grup, 'l apartamènt dla Vivi, ma quànd i rìvan lè a gh'è sōl lē. La ragàsa la diś ch'i èṅ scapâ via tut p'r andàr a lugàr-'s in Uruguày druànd di pasapòrt fals ch'al gh'à dâ un sèrt Losardo (Héctor Alterio).
A Montevideo Nene al taca na relasiòṅ cun na putàna ciamàda Giselle (Leticia Brédice) anc parchè Angel al n s dà piò a lò par via di sò prubléma 'd salùt. Quànd la pulisìa la bèca Nando, i àtar mémbar dal grup i èṅ custrét a far sù baràca e buratèṅ incóra na vòlta.