Pigs Today - Porcelli oggi
|
C'l artìcul chè 'l è scrit in
Miranduléś |
 Goin' All the Way!
| ||
| Pigs Today - Porcelli oggi | ||
 La Sherrie Miller in na figùra dal film | ||
| Pigs Today - Pursèi dal dè 'd incō 1981 | ||
|---|---|---|
| Regìa: Robert Freeman | ||
| Scritōr: Roger Stone • Jack Cooper | ||
| Atōr: Dan Waldman • Deborah Van Rhyn Joe Colligan • Joshua Cadman • Eileen Davidson Sherrie Miller • Sylvia Summers • Rachel Spooner | ||
| Müsica: Richard Hieronymus | ||
| Léngua: Ingléś | ||
| Dürä dal film: 85 minüt | ||
| Nasiōṅ: Stat Unî | ||
Pigs Today - Porcelli oggi (Pigs Today - Pursèi dal dè 'd incō) l'è na cumèdia americàna dal 1981 ad Robert Freeman.
L'è stada giràda a Whittier (Califòrgna).
Sunt
Artie Mulligan (Dan Waldman) 'l è 'n ragàs ch'al frequénta 'l ùlt'm an dal culéǵ insém a 'l sò amìg barìsta Reggie Weis (Joe Colligan). Al prim al gh'à na stòria cun la Monica Carr (Deborah Van Rhyn), che però la n gh la dà minga, mént'r al secónd l'è impgnâ cun la Wendy (Sylvia Summers), dū śuvnòti ch'i èṅ in clas sèg.
La BJ (Eileen Davidson) la cunsìlia a la Monica ad lasàr-'s andàr cun Artie, ch'l è 'n bèl ragàs e a n gh'è gnint ad mâł, anc parchè chi lò 'l à butâ 'l òć su cla rója dla Candy Hardin (Sherrie Miller) che però l'è la muróśa ad cal ciciòṅ preputènt ad Bronk (Joshua Cadman) dit anc Porky parchè 'l è gras cme 'n pòrc.
A lesiòṅ al prufesōr Stephens (James R. Sweeney) al dascór sèmp'r ad sès c'n i sò studènt ma cla masćiùsa dla Boom Boom (Rachel Spooner) la diś che lē la n gh'à briśa biśógn ad chi óm, piutòst la preferìs pasàr-'s al tèmp in palèstra insém a la sò amìga viràgo Joni (Meredith Jung) e a dū ragàsi ch'i faṅ sèmp'r i pēś e ch'i la jùtan quànd a gh'è da mét'r in riga i masć, cum a sucéd anc a cal puvràs ad Mitch (Alan Shubin) ch'i gh tàjan via tut i cavìi.
Na sira, durànt na fèsta a cà dla BJ, Artie al taca a far al galét cun la Candy e la Monica, ch'la gh'armàgn mâł, la decìd 'd andàr a cà 'd Roger (Dan Woren), un muśicìsta pîṅ 'd bèsi, ugèt dal deśidèri dla BJ che dònca la n la tōś minga tant bèṅ, da n'amìga pò.