Pietro Vignali

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


Pietro Vignali (Parma, 22 ad Maǵ dal 1968) 'l è un pulìtic parmiśàṅ ad sèntar-dèstra, sìndic dla sità ad Parma da 'l 2007 a 'l 2011.

Biugrafìa

Al sìndic Vignali (in sla sinìstra) durànt al prèmi Sant Ilàri in dal Śnar dal 2010

Laureâ in Ecunumìa e Cumèrs, 'l è iscrìt a 'l alb d'l Órdan di Dutōr Cumercialìsta. A 24 an, dòp avér ciapâ la laùrea in dla sò sità, al dvénta prima cumisàri pruvinciàl dal Partî Pupulàr Itagliàṅ (PPI), pò segretàri pruvinciàl di Cristiàṅ Demucràtic Unî (CDU), e finalmènt espunènt dla lista cìvica Siviltà Parmiśàna.

Cuma cunsiliér pruvinciàl dl'upuśisiòṅ, in di an dal 1995 a 'l 1999, al tîṅ a drē specialmènt a 'l ambiènt, a gl'infrastrutùri e al śvilùp ecunòmic.

Durànt al guèran cumunàl dal sìndic Elvio Ubaldi, tri an da 'l 1998 a 'l 2001, 'l à laurâ a 'l ambiènt e pò 'l è dvintâ asesōr cumunàl a la Mubilità e Ambiènt.

In dal 2007 'l è dvintâ sìndic dla sìta ducàla guidànd na cualisiòṅ ad sèntar-dèstra, baténd a 'l balutàǵ Alfredo Peri cun al 56,57% di vōt.

Al sò mòt 'l è stâ «Par mè al prim sitadìn at sē tè»[1].

Al minìstar dla Pùblica Aministrasiòṅ e dl'Inuvasiòṅ Renato Brunetta, intervgnénd in d'l Avrìl dal 2009 a Parma par la spianàda dal servìsi emoticon (facìni ch'i rìdan o ch'i piànśan, sarnìdi da i utènt, ch'i servìsan par miśuràr al gradimènt di servìsi pùblic), al diś ad lò «Al mè sógn 'l è quél che tuti gl'aministrasiòṅ cumunàli i sìan cuma quéla ad Parma».

In dal Luj dal 2011 Vignali al vèṅ cundanâ par la cōrt di cònt a dar indrē al cumùṅ ad Pärma da piò ad 23.000 euro parchè al s éra fat pagàr la sò asicurasiòṅ còntra i śbali aministratìṿ cun i bèsi pùblic[2].

Al 28 ad Setémbar dal 2011, dòp 'l arèst dal sò asesōr Giovanni Paolo Bernini e àtar tri, Vignali al dà al dimisiòṅ, dgénd però ch'al s in và da galantóm[3]. A 'l sò pòst la riva al cumisàri prefetìsi dal guèran Anna Maria Cancellieri, ch'l'iva fat la stésa ròba soquànt méś prima anc a Bulógna[4].

Nòti