Paroxismus
|
C'l artìcul chè 'l è scrit in
Miranduléś |
 Paroxismus
| ||
 La Maria Rohm e Darren in na figùra dal film | ||
| Parusìśum 1969 | ||
|---|---|---|
| Regìa: Jesús Franco | ||
| Scritōr: Jesús Franco • Milo G. Cuccia Malvin Wald • Carlo Fadda • Bruno Leder | ||
| Atōr: James Darren • Maria Rohm • Klaus Kinski Barbara McNair • Dennis Price • Adolfo Lastretti Margaret Lee • Paul Muller • Mirella Pamphili | ||
| Müsica: Mike Hugg • Manfred Mann • Stu Phillips | ||
| Léngua: Ingléś | ||
| Dürä dal film: 86 minüt | ||
| Nasiōṅ: Régn Unî Itàglia Germàgna Òvest | ||
Paroxismus (Parusìśum) 'l è 'n thriller dramàtic dal 1969 ad Jesús Franco.
Sunt
Durànt na fèsta in dal palàs dal prìnsip Ahmed Kortobawi (Klaus Kinski) a Ìstanbul, Jimmy Logan (James Darren), pagâ par sunàr la trómba p'r i òspit, al gh'à la manéra 'd véd'r al padròṅ 'd cà mét'r al maṅ adòs a na biónda śōvna ciamàda Wanda Reed (Maria Rohm). Insém a 'l turc a gh'è anc la sò amìga Olga (Margaret Lee) e 'l óm 'd afâr Percival Kapp (Dennis Price). I tri i fànan sès sàdig sèg, i la pìcian, i dróan na scùria e anc un curtèl. Jimmy al decìd ad far-'s i sò fat e 'd andàr via.
Al dè dòp al sunadōr al fà a mènt ch'in dal mâr a gh'è 'n cadàvar nûd, qvél dla Wanda, pîṅ 'd taj dapartùt. Jimmy al decìd ad partìr par Rio de Janeiro par daśmindgàr incòsa. In Braśìl al taca na vita nóva miténd-as cun na cantànta négra, la Rita (Barbara McNair). Soquànt méś dòp però 'l incróśa na dóna dal tut cumpàgna a la Wanda. 'L óm al gh tîṅ adrē in fiṅ a cà sua e 'l fà sès sèg, faghénd patìr dimóndi la pòvra Rita ch'l'è piutòst gelóśa 'd lò ma ch'la n è mia bòna a mulàr-al. La ragàsa misterióśa in séguit la gh la cava a mét'r-as in cuntàt anc cun Percival e cun l’Olga; a 'l prim a gh vîṅ un cōlp, la secónda la s taja 'l véni p'r al rimôrs ad qvél ch'i gh'ìvan fat in Turchìa. Quànd a mōr anc Ahmed, 'l ispetōr Kaplan (Adolfo Lastretti) al và a catàr Jimmy par dascórar dla Wanda, na dóna mòrta.