Papaya dei Caraibi

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Papaya dei Caraibi
Papaya dei Caraibi.png
Maurice Poli e la Melissa Chimenti in na figùra dal film
La Papaya di Caràibi
1978
Regia: Joe D'Amato
Scritùr: Roberto Gandus • Renzo Maietto
Atùr: Melissa ChimentiSirpa Lane
Maurice PoliDakar
Müsica: Stelvio Cipriani
Lengua: Ingléś
Dürä dal film: 90 minüt
Nasiòṅ: Itàglia


«
Sès e sangṿ in dal prim di film trupicài ad Joe D'Amato.»
(Tagline dal film)


Papaya dei Caraibi (La Papaya di Caràibi) 'l è 'n drama eròtic dal 1980 ad Joe D'Amato.

La pelìcula la fà part dal „perìud eśòtic-eròtic“ dal regìsta rumàṅ, 'n insém ad film spurcaciòṅ girâ a Santo Domingo.

Sunt

La Papaya (Melissa Chimenti) l'è na ragàsa créula 'd Santo Domingo. Méntar la fà 'l amōr c'n un furastēr biànc in na capàna su la spiàgia la gh sćiànca via 'l cas c'n un murśgòt pò dū sò amìg, Ramón e Manuel, i gh dànan fōg. In cal méntar la giurnalìsta Sara (Sirpa Lane), ch'la s cata lè in vacànsa, la véd par caś al sò amìg Vincent (Maurice Poli) durànt un spetàcul da scumétar su na batàja 'd galét. Chi lò ad mistēr al fà 'l geòlug e 'l lavóra in cl'ìśula di Caràibi lè par far na sentràl nucleàr. Tut dū i vìv'n in un vilàǵ turìstic in du la Papaya la gh fà i fat.

'L óm al pòrta la Sara in dal sò bungalow p'r andàr-'g a lèt ma in bagn i dū i càt'n al cadàvar brustlî d'l evirâ ch'al n è àtar ch'un sò culéga inśgnēr, Dean. 'L è fàcil pinsàr ch'a s tratìs 'd 'n avertimènt.

La Papaya, 'd acòrd cun soquànt óm dal sò paiśèṅ, la n vōl minga ch'a s faga la sentràl dònca l'à decìś ad far fóra tut gl'inśgnēr furastēr ch'i èṅ da 'l sò bandi a ruinàr la natùra dal pòst. Par far-as pasàr di àtar nóm la Papaya la và a lèt anc cun Vincent ma 'l sò cōr, a dir dabòṅ, 'l è tut par la Sara.

Culegamènt estéran