Paolo Canè
|
C'l artìcul chè 'l è scrit in
Miranduléś |
Paolo Canè (Bulógna, 9 'd Avrìl dal 1965, a s lèś [ˈpaːolo kaˈnɛ] in Itagliàn) 'l è stâ 'n tenìsta emigliàṅ prufesiunìsta da 'l 1983 a 'l 1997. Al 14 'd Agóst dal 1989 'l è rivâ a ès'r al nùmar vint-siē dal mónd. 'L è élt un mét'r e utànta e al pésa ssant'òt chilo. Al dróa al bras dèstar e al tira 'l arvèrs cun na maṅ sōla (un cōlp ch'al giurnalìsta Giampiero Galeazzi 'l à badśâ “arvèrs-tùrub”).
In dla sò caréra 'l à vins tri turnèo ATP in singulàr (cóntar Kent Carlsson a Bordeaux in dal 1986, cóntar Bruno Orešar a Båstad in dal 1989 e cóntar Jan Gunnarsson a Bulógna in dal 1991) e àtar tant in dópi. Inóltar 'l à mis la sò firma anc in soquànt turnèo challenger cuma Gènua, Turèṅ, San Marèṅ e Dublîṅ. A gl'Ulimpìadi 'l à purtâ a cà la mdaja 'd brónś a Los Angeles in dal 1984 (quànd al tènis 'l éra 'n spòrt dimustratìṿ) e pò 'l è rivâ in di quàrt a Seùl in dal 1988.
'L è stâ bòṅ ad bàtar di śugadōr impurtànt cuma Jimmy Connors, Stefan Edberg, Mats Wilander, Pat Cash, Henri Leconte, Michael Stich, Yannick Noah e Joakim Nyström[1]. In dal 1987, in sal camp sentràł ad Wimbledon cun tut i òć adòs, 'l è rivâ a dū punt da bàtar Ivan Lendl, in alóra nùmar òṅ dal mónd, pardénd pò sèg par 6-3 6-7 7-6 5-7 1-6.
In dal 2005 'l à fat part di cuncurènt dal prugràma televiśìṿ La Talpa.
Culegamènt estéran
Nòti
- ↑ Paolo Canè: talènt e fràgil ad tèsta livetennis.it, 19 ad Dicémbar dal 2014