Pòrtland (Maine)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Pòrtland su la mapa dal Maine


Pòrtland (a s lèś /ˈpɔːrtlənd/ in ingléś) l'è na sità di Stat Unî ad ssanta-siemìla abitànt a 'l incìrca, la più granda dal stat dal Maine esénd anc la sò capitàl ecunòmica e culturàla. La s cata in dla cuntèa 'd Cumberland su 'l ucéan Atlàntic. La Pòrtland più famóśa, la sità più granda d'l Òregun, l'à ciapâ 'l nóm da qvésta chè.

Al sò clima 'l è cuntinentàł ùmid, 'd Invèran a fà fréd dimóndi, al mìnimi i èṅ sóta śèr da Nuvémb'r a Mars, rivànda anc a i -11,4° ad Śnar. Tgnénd adrē a 'l censimènt dal 2010 la sò gint l'è biànca p'r al 83,6%, négra p'r al 7,1% e aśiàtica p'r al 3,5%.

Al pòrt vèć

La sò ecunumìa l'è ligàda a i servìsi e a 'l pòrt e i sò diśucupâ i èṅ pôc, in d'l Utóbar dal 2015 sōl al 2,8%. Al turìśum al pòrta chè tri migliòṅ ad parsòni tut i an.

Al sò sìndig, da 'l 2015, 'l è 'l demucràtic Ethan Strimling.

Persunàǵ nâ a Pòrtland

Culegamènt estéran