Pèten dal tlèr
|
C'l artìcol chè 'l è scrit in
Carpśàn |
Al pèten dal tlèr l' è cal cumpunèint mecànic dal tlèr 'd tesidùra ch' al tîn petnè e urdnè i fîl 'dl' urdî mèinter ch' al tès el pèsi.
La sô puśisiòun in dal tlèr l' è quèla de stèr strìc dèint'r a la càsa batèint, ch' la bât al filè 'dla tràma apèina che la navèta l' al l' à pasè in dla rìga nóva cul sô pâs (cumpatamèint edla pèsa). Al pèten al gnarà tòlt śò dal tlèr e cambiè ogni quèl vòlta ch' a biśgnarà lavurèr cun un filè piò u méno sutîl (di tìtul diferèint) e dòunca cun di dèint piò u méno fìt dal pèten. L' è despès ed metâl, mo a s' in càta anca 'd plàstica u, in di tlèr ed 'na vòlta u anca artigianèl, 'd quī custruî cun dal lamèli 'd câna.
In dal mirandules i preperan i macaròn col pèttan, chi i-énan di quadratèn ad sfója priladi inzimma a un bastunzèn e pressadi sul pèten pr' utenér dal rigaduri trasversàli e brisa par la lónga com ch'iatar macaron industrial.