Out of Time (film 2003)
|
C'l artìcul chè 'l è scrit in
Miranduléś |
 Out of Time
| ||
| Out of Time | ||
.png) Washington e l'Eva Mendes in na figùra dal film | ||
| A tèmp scadû 2003 | ||
|---|---|---|
| Regìa: Carl Franklin | ||
| Scritōr: David Collard | ||
| Atōr: Denzel Washington • John Billingsley Eva Mendes • Dean Cain • James Murtaugh Sanaa Lathan • Robert Baker • Antoni Corone Alex Carter • Terry Loughlin • Tom Hillmann | ||
| Müsica: Graeme Revell | ||
| Léngua: Ingléś | ||
| Dürä dal film: 105 minüt | ||
| Nasiōṅ: Stat Unî | ||
Out of Time (A tèmp scadû) 'l è 'n thriller 'd asiòṅ dal 2003 ad Carl Franklin.
A 'l cìnema 'l à muciâ sù da piò ad sinquànta-sinc migliòṅ ad dòlar esénd-an custâ sinquànta.
Sunt
Matthias Whitlock dit Matt (Denzel Washington) 'l è 'l cap dla pulisìa in un pìcul sèntar dla Flòrida. Durànt n'uperasiòṅ cónt'r al tràfic dla dròga chi lò al pòrta via di bèsi e di àtar quèi ùtii a 'l boss malavitóś Scarcetti, próvi ch'i sarvirésan par cundanàr-al. Al sò matrimòni cun la culéga Alex Diaz-Whitlock (Eva Mendes) 'l è in criśi, esénd drē a far al carti par la separasiòṅ, ma Matt al s cunsóla listés cun l’Ann Merai Harrison (Sanaa Lathan), la mujér 'd un pulisiòt sò amìg, Chris (Dean Cain), ch'l è sòlit piciàr-la.
Un dè l’Ann la pòrta sèg Matt da 'n dutōr parchè la gh'à 'n càncar e 'l mèdag al gh diś ch'a n gh'è più gnint da far, la purà scampàr siē méś incóra o śò da 'd lè. Dastrùta da 'l dutōr, la dóna la decìd ad cambiàr al benefisiàri dla sò asicurasiòṅ su la vita, scanślànd sò marè e miténd invéci al sò amànt Whitlock. Da 'l cant suo, par jutàr-la, Matt al decìd ad purtàr via i bèsi sequestrâ a Scarcetti par pagàr un viàś dla sperànsa in na clìnica in Śvisra in du i gh'aṅ dal curi sperimentàli ma a l'óra d'l apuntamènt la dóna la n s preśénta briśa.
Matt al decìd 'd andàr da l’Ann, pinsànd 'd èsar stâ fargâ, ma méntar 'l è drē a guardàr s'a gh'è qualchidòṅ dèntar, na vśina 'd cà, la sgnōra Anderson (Peggy Sheffield), la 'l véd e 'l pulisiòt al lasa pèrdar andànd via. Al dè dòp però al vîṅ a savēr ch'i Harrison i èṅ mòrt bruśâ in cà tut brustlî durànt 'n inséndi dulóś. L’Alex la taca a far dgl'indàśin e 'l suspetâ nùm'r òṅ 'l è pròpria sò marè par via dl'asicurasiòṅ, dal fat ch'la vitma l'éra la sò amànta e ch'l è stâ vdû giràr lè dintórar la sira dl'inséndi. Matt la sà ch'al gh'à da catàr al sasèṅ in présia e lugàr al próvi cónt'r ad lò anc parchè 'l è stâ infnuciâ par bèṅ, l’Ann la n gh'iva minga 'l càncar.