Ore 10: calma piatta
|
C'l artìcul chè 'l è scrit in
Miranduléś |
 Dead Calm
| ||
| Ore 10: calma piatta | ||
 Billy Zane e la Nicole Kidman in na figùra dal film | ||
| Déś óri: calma piàta 1989 | ||
|---|---|---|
| Regìa: Phillip Noyce | ||
| Scritōr: Terry Hayes • Charles Williams | ||
| Atōr: Nicole Kidman • Sam Neill • Billy Zane Rod Mullinar • Joshua Tilden • Michael Long | ||
| Müsica: Graeme Revell | ||
| Léngua: Ingléś | ||
| Dürä dal film: 96 minüt | ||
| Nasiōṅ: Austràglia | ||
Ore 10: calma piatta (Déś óri: calma piàta) 'l è 'n thriller dal 1989 ad Phillip Noyce trat da 'n rumànś dal 1963 ad Charles Williams da 'l tìtul „Punt mòrt“.
La pelìcula l'è custàda e l'à purtâ a cà déś migliòṅ ad dòlar a 'l incìrca.
Sunt
John Ingram (Sam Neill), cmandànt dla marìna austragliàna, e sò mujēr Rae (Nicole Kidman), par tiràr-'s un po' sù da la mòrt ad sò fiōl in 'n incidènt in strada, i decìd'n ad far un viàś in yacht in dal Pasìfic.
Durànt na giurnàda 'd "calma piàta" la còpia la véd na barca a véla ch'la n s mōṿ minga e ch'a pâr ch'la sia drē a impinìr-as 'd àqua. A bōrd ninsòṅ a rispónd a 'l cuntàt ràdio ma a 'n sèrt punt a s véd 'n óm ch'al s davśìna su 'n barchèṅ. Muntâ sù chi lò al diś ad ciamàr-as Hughie Warriner (Billy Zane) e 'd èsar 'l ùnic a èsar scampâ d'l equipàǵ parchè i sò cumpàgn i èṅ mòrt magnànd dal magnàr andâ a mâł. John, ch'al n s fida minga tant ad lò, al decìd 'd andàr a dar 'n òć in sla barca e lè insìma al cata i cadàvar masâ par Hughie ch'al n è àtar ch'un mat ciucâ in dla suca.