Ops... Ho ammazzato Berlusconi

Da Wikipedia.

C'l artìcul chè 'l è scrit in Miranduléś Emiliàn

Ops... Ho ammazzato Berlusconi

Alberto Bognanni e Silvio in na figùra dal film
Cajùsi... A-j-ò masâ Berlusconi
2008
Regìa: Gianluca RossiDaniele Giometto
Scritōr: Andrea Salieri
Gianluca Rossi • Daniele Giometto
Atōr: Alberto BognanniAndrea RoncatoLello Arena
Sabrina ParaviciniPaolo BaroniAurelio Levante
Müsica: Bruno Ventura
Léngua: Itagliàṅ
Dürä dal film: 88 minüt
Nasiōṅ: Itàglia


«
Da 'l rumànś 'd Andrea Salieri ch'l à parcōrs l'anti-pulìtica e 'l V-Day 'd Beppe Grillo.»
(Tagline dal film)


Ops... Ho ammazzato Berlusconi (Cajùsi... A-j-ò masâ Berlusconi) l'è na cumèdia négra itagliàna dal 2008 ad Gianluca Rossi e 'd Daniele Giometto ch'i l'aṅ scrita tulénd spunt da 'l rumànś L'omicidio Berlusconi 'd Andrea Salieri.

La pelìcula l'à fat sù ssanta-trimìla euro a 'l cìnema dòp ès'r-an custàda siesènt-mila a 'l incìrca.

Sunt

Dòp avēr savû che sò marè, 'l inśgnēr e prufesōr ad matemàtica Matteo Luisi (Alberto Bognanni), 'l iva vutâ par Silvio Berlusconi a gl'elesiòṅ pulìtichi dal 2001 vinsi pròpria da la Cà dal Libertà, la cumunìsta sò mujér Livia (Sabrina Paravicini) la decìd 'd andàr via 'd cà 'd nòt. Rivàda in giardèṅ a gh salta adòs n'ala 'd 'n aparéć scupiâ in vōl e la dóna la mōr su 'l cōlp.

Dòp che l'ambulànsa l'à purtâ via 'l cadàvar, Matteo al tōś la màchina e 'l và far un gir méntar fóra a piōṿ dimóndi fòrt. Sénsa vlēr al mét sóta 'n óm ch'l è tut inśmaltâ ch'a n s véd gnanc la sò ghigna. Purtâ 'l còrp a cà, dòp avér-al lavâ e vistî, Matteo al capìs 'd avēr cupâ Berlusconi in parsòna, in dal pórta-fój a gh'è anc la sò carta 'd identità. Spavintâ al lóga 'l cadàv'r in dal cungeladōr in cantìna, pò al và da i carabinēr a cuntàr qvél ch'a gh'è sucès. Ninsòṅ però a gh créd parchè Silvio al cuntìnua a cumparìr in televiśiòṅ.

Un dè 'l inśgnēr al vîṅ purtâ via cun la fòrsa e pò fat dascórar cun tri mémbar dal partî 'd Berlusconi, Cesare (Paolo Baroni), Gianni (Jean Pierre Duriez) e Giuliano (Riccardo Cavallo), ch'i vōl'n indrē 'l cadàv'r e i èṅ prònt a pagàr dimóndi, 'l impurtànt 'l è che Matteo al taśa. Silvio al gh'iva 'n sòśia ch'l andàva in TV a 'l sò pòst parchè 'l migliardàri al vliva tōr-'s i sò spasi lìbar sénsa dar in d'l òć.

Matteo al s fà jutàr p'r un sò amìg infarmēr, Gaetano (Andrea Roncato), a preparàr al còrp.

Culegamènt estéran