Onore e guapparia

Da Wikipedia.

C'l artìcul chè 'l è scrit in Miranduléś Emiliàn

Onore e guapparia

La Pellegrino e Pino Mauro in na figùra dal film
Unōr e tacagnōli
1977
Regìa: Tiziano Longo
Scritōr: Tiziano Longo • Piero Regnoli
Atōr: Pino MauroMario GarbettaMassimo Deda
Laura GrayPatrizia PellegrinoGabriella Di Luzio
Giulio LenzettiNunzia GretonEmi Salvador
Franco MarinoMassimo DedaAnna Molino
Müsica: Elio Maestosi • Filippo Trecca
Léngua: Itagliàṅ
Dürä dal film: 91 minüt
Nasiōṅ: Itàglia


Onore e guapparia (Unōr e tacagnōli) 'l è 'n film dramàtic dal 1977 ad Tiziano Longo. A s trata dal sò ùltim lavōr prima 'd murìr 'l an dòp, scrit insém a Piero Regnoli. Al prutagunìsta dla pelìcula, in dla part dal “guappo”, 'l è Pino Mauro, specialìsta dla cansòun edla tradisiòun clàsica napulitàna e dla senegiàda.

'L è stâ girâ a Nàpuli.

Sunt

Don Gennaro Esposito (Pino Mauro) 'l è 'l rè dal cuntrabànd dal sigaréti a Nàpuli, specialmènt al dèta léǵ in dal sò quartēr Sanità e tuta la gint la 'l riverìs. 'L è spuśâ cun la Donna Concetta (Laura Gray), al gh'à na surèla ciamàda Maria (Gabriella Di Luzio) e na fiōla śōvna, l’Assunta (Patrizia Pellegrino).

Al ròbi i càmbian par lò quànd da Milàṅ a tórna in sità Giggino 'o barone (Mario Garbetta) ch'al gh śibìs ad métar-'s insém par tgnir adrē a 'n gir ad dròga, adès ch'al gh'à anc 'l apòǵ dn'urganiśasiòṅ 'd criminài dl'Élt-Itàglia. Don Gennaro, ch'al gh'à na cunsînsa, al gh diś ad nò e Giggino al n la tōś minga tant bèṅ ligànd-'s a 'l dî. Prima al denùnsia a la pulisìa un sò càr'g ad cichi tarucàdi, pò al mét in gir la vōś che sò mujér la gh'àppia mis i còran.

Don Gennaro al pòrta pasìnsia in fiṅ tant ch'a n gh finìs in mèś sò fiōla. Adès al gh'à da diféndar 'l unōr dla sò rasa anc a cóst ad cupàr-al, ma anc s'a sucidìs a sarév sèmp'r un “masamènt 'd unōr”.

Culegamènt estéran