Onofrio Panvinio

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

'N òli 'd al Tintoretto cul só artràt 'd al 1555
Al só bust in sìm' a la só tomba in dla céśa 'd Sant Agustèin in Ròma

Onofrio Panvinio, ciamê anca Onuphrius Panvinius (Veròuna, 23 'd fervèr 1530 - Palèrum, 27 avrìl 1568) 'l era stê 'n teòlug e 'n stòric itagliàn, intrê in dl órdin 'd i Agustiniàṅ già quànd al gh' ìva ùnd'ś an.
In dal 1539 'l era a Ròma, in dû al tulìva pasiòun p'r i stùdi in sìm' ai antichitê rumàni, e mèinter ch'l insgnèva ai nuvìsi 'd al só órdin, al dvintèva dutór in teolugìa in dal 1557. Al scrivìva dimòndi stòdi in sìm' agli antichitê, e impgnê cùma 'l era, al viaśèva anca dimòndi, in serca 'd i lìber da stodièr. Al tulìva vluntéra 'l incàreg 'd curetōr e 'd reviśōr 'd i lìber 'dla Bibliutéca Vaticàna.
Al Panvinio al murìva in dal 1568, mèinter ch'l era dré a cumpagnèr al só protetōr al Cardinèl Farnéśe a 'l Sìnod ed Monreêl.


Soquànti só ōvri publichèdi

  • Augustiniani ordinis chronicon (Ròma, 1550);
  • De fasti et triumphi Romanorum a Romulo usque ad Carolum V (Venésia, 1557);
  • Epitome Pontificum Romanorum a s.Petri usque ad Paulum IIII gestorum (Venésia, 1557);
  • Epitome antiquitatum romanarum (Ròma, 1558);
  • N' edisiòun arv'dùda 'd: Carlo Sigonio, Fasti consulares (Venésia, 1558);
  • De comitiis imperatoriis (Basiléa, 1558);
  • De republica Romana (Venésia, 1558);
  • N' edisiòun arv'dùda 'd: Bartolomeo Platina, De vitis pontificum (Venésia);
  • XXVII Pontificum Maximorum elogia et imagines (Ròma, 1568);
  • De sibyllis et carminibus sibyllinis (Venésia 1567);
  • Chronicon ecclesiasticum a C. Julii Caesaris tempore usque ad imp. Maximilianum II (Colònia, 1568);
  • De episcopatibus, titulis, et diaconiis cardinalium (Venésia, 1567);
  • De ritu sepeliendi mortuos apud veteres Christianos (1568);
  • De praecipuis urbis Romae sanctioribusque basilicis (Ròma, 1570; Colònia, 1584);
  • De primatu Petri et apostolicae sedis potestate (Veròuna, 1589);
  • Libri X de varia Romanorum pontificum creatione (Venésia, 1591);
  • De bibliotheca pontificia vaticana (Taragòuna, 1587);
  • De ludis circensibus (Venezia, 1600, cun dai inciśiòun 'd al Dupérac 'd i an 1560-70);
  • De antique Romanorum religione.


Colegamèint estèren