Oklahoma City

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Sit ad tèra dla sità in du i èṅ drē a far dal cà


Oklahoma City (a s lèś /oʊkləˈhoʊmə ˈsɪtɪ/ in ingléś), cgnusùda anc cun la siggla «OKC», l'è na sità di Stat Unî ad siesènt-trentamìla abitànt a 'l incìrca (dat dal 2015), sèntar più impurtànt e capitàl dal stat d'l Oklahoma.

La s cata in dal cuntèi 'd Oklahoma, Canadian, Cleveland e Pottawatomie e in mèś a gh pasa l'autostràda Route 66. Al sò clima 'l è subtrupicàł ùmid.

Al Kid's Lake cun di nàdar ch'i gh nōdan dèntar

Tgnénd adrē a 'l censimènt dal 2010 la sò pupulasiòṅ la s divìd in un 62,7% ad biànc, un 15,1% ad négar, un 3,5% ad natìṿ americàṅ, un 4,0% 'd aśiàtic, al rèst atri rasi o rasi misći.

Al 19 'd Avrìl dal 1995 in sità a gh'è stâ un brut atintâ ch'l à fat 168 vitmi. Al respunsàbil, ch'l à tirâ śò 'n palàs faghénd scupiàr un càmion, 'l è stâ 'n espunènt dla dèstra pēśa americàna, Timothy McVeigh.

Da 'l 2004 al sò sìndig 'l è 'l republicàṅ Mick Cornett. 'L è da 'l 1987 ch'la sità la gh'à di sìndig dal GOP méntar prima, da 'l dòp guèra in avànti, 'l iva elèt sèmpar di espunènt demucràtic.

Culegamènt estéran