Nursie

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Nursie
Nursie
Nursie.png
La Savannah Smith Boucher in na figùra dal film
Infarméra
2004
Regia: Joe C. Maxwell
Scritùr: Kathy Hudson • Maxine Jordan
Atùr: C. Thomas HowellSavannah Smith Boucher
David ParkerFrieda JaneRachelle Carson
Müsica: Robert Sprayberry
Lengua: Ingléś
Dürä dal film: 96 minüt
Nasiòṅ: Stat Unî


«
Èsar pasiènt a n t cunvîṅ briśa.»
(Tagline dal film)


Nursie (Infarméra) 'l è 'n film ad scarésa americàṅ dal 2004 ad Joe C. Maxwell girâ in Luiśiàna.

La pelìcula l'à vins al prèmi „Fleur De Lis“ a 'l "New Orleans Media Experience".

Sunt

Al cirùśig ad New Orleans Zack Peters (C. Thomas Howell) e la sò culéga Ashley (Rachelle Carson), durànt un viàś in màchina 'd nòt, i vènan buciâ apòsta e ad cuntìnuv da 'n óm insiminî ciamâ Raymond (David Parker) ch'al vōl sōl far-ag far 'n incidènt e a la fiṅ al gh la cava anc. Al dutōr al s déśda pò in un lèt 'd un ricòvar, al “Twilight Garden”, purtâ avànti da n'infarméra fóra 'd tèsta, l’Ada (Savannah Smith Boucher), surèla 'd Raymond. Fóra a taca na timpèsta e la dóna la gh diś ch'al n pōl minga andàr via cum l'à fat invéci l’Ashley. Ma 'l ròbi i n èṅ minga acsè parchè la dóna l'è mòrta e l'è finìda in un baùl a marsìr in mèś a 'l móschi. La Loralie (Dottie Hall) la próa a métar-'l in guàrdia dgénd-'g ad scapàr via ma l’Ada la s arlìa sèg e la la masa méntar la dòrum druànd un sachét ad plàstica. Anc dū atri vèci, la Ruth (Susie Coward) e la Gladys (Linda Lou Ropp), i èṅ tratàdi da schiva.

In dla strutùra a gh'è anc l'anvōda dl’Ada, la Mary Claire (Frieda Jane), fiōla dla Solange (Sherry Boucher), ardùta in còma da déś an dòp èsar strabucàda śò da 'l scali, e dal dutōr Eli (Gary Swanson), tgnû lugâ e incadnâ in dal tasèl mòrt. La ragàsa la próa a scapàr via insém a Zack druànd al furgunsèṅ ad Raymond ma chi lò al riva c'n un sćiòp in maṅ e la fuga la finìs incóra prima 'd tacàr. Ma l’Ada la gh'à di piàṅ par Zack: tant p'r incuminciàr la vōl ch'al faga 'l mèdag dla strutùra, pò la vōl ch'al dvégna 'l sò óm.

Culegamènt estéran