Nudisti per caso
|
C'l artìcul chè 'l è scrit in
Miranduléś |
 Les Textiles
| ||
| Nudisti per caso | ||
 La Muxart e la Schulz in na figùra dal film | ||
| Nudìsta par caś 2004 | ||
|---|---|---|
| Regìa: Franck Landron | ||
| Scritōr: Gilles Cahoreau • Franck Landron Valérie Le Corre • Christian Vincent | ||
| Atōr: Barbara Schulz • Alexandre Brasseur Magali Muxart • Simon Bakhouche • Félix Landron Zoé Landron • Philippe Cura • Angélique Thomas | ||
| Müsica: Jean Dindinaud • Tomás Gubitsch | ||
| Léngua: Francés | ||
| Dürä dal film: 92 minüt | ||
| Nasiōṅ: Frància | ||
Nudisti per caso (Nudìsta par caś) 'l è na cumèdia francéśa dal 2004 ad Franck Landron ch'al l'à anc prudóta insém a Xavier Coton.
Sunt
Olivier (Alexandre Brasseur) e la Sophie (Barbara Schulz) i gh'aṅ un fóran a Parì e i èṅ marè e mujér. Al prim al gh'à da 'lvàr-as ad bòn'óra par preparàr al paṅ, la secónda invéci la tîṅ a drē a la butéga e anc a i sò dū fiōi, la Laure (Zoé Landron) e Nono (Félix Landron).
La dóna la gh'à al magòṅ adòs parchè Olivier 'l è dvintâ fréd cun lē. Un dè la decìd ad far-as un taj ad cavìi nóṿ par far cólp ma sò marè, ch'al fà i filòṅ ad paṅ cun la maja nùmar déś ad Zinédine Zidane adòs, al n gh fà gnanc a mènt. Piutòst chi lò 'l à butâ 'l òć a 'n anùnsi dna cà ch'la s vénd in s'n ìśula davśèṅ a Montpellier ch'la cósta pôc. I decid'n acsè ad cumpràr-la da na còpia in là c'n i an, Paul (Jackie Berroyer) e la Colette (Sonia Vollereaux).
Quànd la Sophie la riva là insém a i sò dū putèṅ la s rènd cónd ch'la sò cà la s cata in un camp par nudìsta. I sò vśèṅ i èṅ la Juliette (Magali Muxart), Gilbert (Simon Bakhouche), l’Adeline (Angélique Thomas) e Jacky (Philippe Cura) e i èṅ sèmpar cavâ śò cun gnint adòs. La Sophie la ciàma sò marè par cuntàr-'g incòsa e dgénd-ag ch'la vōl turnàr indrē subìt anc parchè tut i gh daṅ adòs parchè quàl lè a n è minga un pòst par dla gint vistìda.