Non si deve profanare il sonno dei morti

Da Wikipedia.

C'l artìcul chè 'l è scrit in Miranduléś Emiliàn

Non si deve profanare
il sonno dei morti

Ray Lovelock e la Cristina Galbó in na figùra dal film
A n pōl mia mancàr ad rispèt a 'l punsàr di mòrt
1974
Regìa: Jorge Grau
Scritōr: Juan Cobos • Sandro Continenza
Marcello Coscia • Miguel Rubio
Atōr: Ray LovelockArthur KennedyCristina Galbó
Aldo MassassoGiorgio TrestiniRoberto Posse
Müsica: Giuliano Sorgini
Léngua: ItagliànSpagnōl
Dürä dal film: 95 minüt
Nasiōṅ: ItàgliaSpaggna


«
Par śluntanàr al risć ad śmalvèṅ ripitî ad cuntìnuv: 'l è sōl un film... 'l è sōl un film... 'l è sōl un film...»
(Tagline dal film)


Non si deve profanare il sonno dei morti (A n pōl mia mancàr ad rispèt a 'l punsàr di mòrt) 'l è 'n film ad scarésa dal 1974 ad Jorge Grau. 'L è stâ preśentâ a 'l Fèstival ad Sitges.

A 'l èstar i al cgnósan cuma „No profanar el sueño de los muertos“ in Spaggna, „Zumbi 3“ in Braśìl, „Le massacre des morts-vivants“ in Frància, „The Living Dead at Manchester Morgue“ in dal Régn Unî, „Let Sleeping Corpses Lie“ in di Stat Unî e „Das Leichenhaus der lebenden Toten“ in Germâgna mént'r in Itàglia al gh'à anc al tìtul ad Da dove vieni?.

Sunt

George (Ray Lovelock) 'l è 'n antiquàri 'd Manchester ch'al n in pōl piò d'l inquinamènt ch'a gh'è in sità dònca quànd al gh'à la manéra 'd andàr a far un gir in campàgna al n s al fà dir mia dū vòlti. Un dè al cgnós na dóna ciamàda Edna (Cristina Galbó) ch'la gh'éra andàda adòs cun la màchina e insém i bùtan 'l òć su 'n sèntar sperimentàł dal dipartimènt dl'argicultùra ch'la dróa di ultrasòṅ par paràr via o masàr gl'insèt. A 'n sèrt punt, méntar la dóna la spèt' in màchina, a salta fóra 'n óm da 'n fiùm lè darènt par dar-'g-i ma pò al sparìs da par lò.

A cà sua la surèla dl’Edna, la Katie West (Jeannine Mestre) la sa dmanda insém a sò marè Martin (José Lifante), ch'al fà 'l futógrafar ad mistēr, parchè la n è incóra rivàda da lōr, i la spetàvan da cal pès. Quànd Martin al và a far un gir davśèṅ a na cascàda, 'l óm dal fiùm, un barbòṅ andgâ soquànt dè prima, al gh salta adòs e 'l al cópa.

In cal mént'r a 'l uśdàł soquànt baghét a pâr ch'i gh'àppian al diàv'l adòs, i gh'aṅ na vója 'd murśgàr ch'i al saṅ sōl lōr.

Culegamènt estéran