Non avere paura della zia Marta
|
C'l artìcul chè 'l è scrit in
Miranduléś |
 Non aver paura della zia Marta
| ||
 Massimi e la Jessica Moore in na figùra dal film | ||
| Minga avēr paùra dla sîna Marta 1988 | ||
|---|---|---|
| Regìa: Mario Bianchi | ||
| Scritōr: Mario Bianchi | ||
| Atōr: Adriana Russo • Gabriele Tinti • Maurice Poli Jessica Moore • Edoardo Massimi • Sacha Darwin Massimiliano Massimi • Anna Maria Placido | ||
| Müsica: Gianni Sposito | ||
| Léngua: Itagliàṅ | ||
| Dürä dal film: 85 minüt | ||
| Nasiōṅ: Itàglia | ||
Non aver paura della zia Marta (Minga avēr paùra dla sîna Marta) 'l è 'n film ad scarésa dal 1988 ad Mario Bianchi che chè al s firma Robert Martin. Al film, preśentâ par Lucio Fulci e prudót par la televiśiòṅ, 'l è cgnusû anc cun al nóm ad The murder's secret.
Soquànti parti ad cal film chè i ś véd'n anc in dla pelìcula Un gatto nel cervello ad Lucio Fulci dal 1990.
Sunt
Dòp trént'an e pasa pasâ in Sudamérica, Richard Hamilton (Gabriele Tinti), sò mujér Dora (Adriana Russo) e i sò fiōi grand Giorgia (Jessica Moore) e Maurice (Edoardo Massimi) e òṅ pìcul, Charles (Massimiliano Massimi), i tórn'n a cà par catàr sò sîna Marta (Sacha M. Darwin), na dóna tgnùda par dimóndi tèmp sénsa mutìṿ in manicòmi p'r un imbròj fat da la màdar ad Richard par na questiòṅ ad bèsi. Al custōd Thomas (Maurice Poli) al gh diś che la sia la rivarà in dla vila fra soquànt dè.
In cal mént'r un manìac al taca a cupàr i mémbar dla famìja. Maurizio al vèṅ impicâ a 'n àlbar c'n al sò grugn spaplâ, la Giorgia la vèṅ scurtlàda méntar l'éra drē a far-as na dócia, a 'l piculèṅ i gh tàjan la tèsta śgand-la cun na séga lètrica mént'r al giràva in cà cun na bicicléta par putèṅ, stésa fiṅ anc par sò màdar ma chi lē la la pèrd parchè i gh la sèran dènt'r a 'n casòṅ.
Richard al cata in di camp lè dintóran dal tómbi c'n i nóm di mémbar dla sò famìja scrit insìma, pò al cata 'l còrp mumificâ dla sîna Marta in dla cà dal custōd.