Noches de espera
|
C'l artìcul chè 'l è scrit in
Miranduléś |
 Noches de espera
| ||
| Noches de espera | ||
 Jorge Martín in na figùra dal film | ||
| Spétand al nòt 2013 | ||
|---|---|---|
| Regìa: Tiago Leão | ||
| Scritōr: Tiago Leão | ||
| Atōr: Jorge Martín • Maria Flores • Ainhoa Azcona Pierrick Fouilleux • Rita Macedo • Carolina Touceda | ||
| Müsica: Explosions in the Sky | ||
| Léngua: Spagnōl | ||
| Dürä dal film: 70 minüt | ||
| Nasiōṅ: Spaggna • Purtugàl | ||
Noches de espera (Spétand al nòt) 'l è 'n film indipendènt dramàtic e eròtic dal 2013 ad Tiago Leão ch'l è stâ mensiunâ a 'l Fèstival ad Bilbào.
'L è stâ girâ a Madrid e al pōl cuntàr su dū bran di Explosions in the Sky, First breath after coma e Snow and light.
Sunt
Jorge (Jorge Martín) e la Maria (Maria Flores) i èṅ dū śōvan ch'i vìv'n insém in 'n apartamènt piculèṅ ad Madrid. Lò 'l è 'n bòṅdagnint drugâ pódag che par vìvar al vénd dla dròga ch'al còmpra insém a 'l sò amìg Mario, lē invéci la fà 'l tèst ad gravidànsa e la vèṅ a savēr ch'la spèta 'n putèṅ da lò. La còpia però l'è in criśi e la dascór pôc. Quànd la ragàsa la 'l ciàma a 'l telefunèṅ par cuntàr-ag la nutìsia, lò al gh'à sèmpar quèl àtar da far. La Maria la decìd acsè ad mulàr-al.
L’Aitana (Ainhoa Azcona) l'è na trans ch'la s è fata na mansàrda in dal tasèl mòrt 'd un palàs ma i mur i èṅ dimóndi bas e a n s capìs minga cuma la faga a star-ag dèntar, anc parchè la gh'à dū còsi ch'i pàran di cudghèṅ e dal spali da dascargadōr ad pòrt. In tut al manéri la sò vita l'è dimóndi dura, par scampàr la gh'à da prustituìr-'s ad nòt cun di óm che dal vòlti i la pìć'n anc. Òṅ di sò cliènt al la ciàma par far sès insém a la sò muróśa che pò la decìd ad védar l’Aitana da par lē.
La Rita (Rita Macedo) e la Carolina (Carolina Touceda) i èṅ dū lèśbichi ch'i sa spartìsan 'l apartamènt ma ch'i s faṅ anc di curnàs ad cuntìnuv. Pò a gh'è Pierrick (Pierrick Fouilleux) un francéś ch'al n sà gnanc lò cuśa 'l vōl dabòṅ in dla vita, a part tintàr ad tajàr-'s al véni.