Nigel Farage
|
C'l artìcul chè 'l è scrit in
Miranduléś |
Nigel Paul Farage (Bromley, 3 'd Avrìl dal 1964, a s lèś /ˈfærɑːʒ/ in ingléś) 'l è 'n pulìtig ingléś ch'al vōl l'indipendénsa dal Régn Unî, cap dal partî ad dèstra d'l UKIP[1]. In dal parlamènt européo al s è mis insém a 'l Muimènt Sinc Stéli ad Beppe Grillo[2]. Prima 'd far al pulìtig al fava 'l intermediàri.
'L è scampâ a 'n incidènt in aparéć e a 'n cànc'r a i maròṅ. Da 'l 1999 'l è spuśâ cun na tedésca e al gh'à dū fiōli sèg, méntar prima al 'n à abû àtar dū da la sò prima mujér spuśàda in dal 1988.
Biugrafìa
Dòp èsar stâ da śōv'n un mémbar dal Partî Cunservadōr, in dal 1992 Farage al s in và dòp la ratìfica dal tratâ 'd Maastricht dand vita a 'l UKIP, Partî par l'indipendénsa dal Régn Unî. In dal 1999 al gh la cava a ès'r elèt a gl'elesiòṅ européi e al farà àtar tant anc in dal 2004, in dal 2009 e in dal 2014. In dal 2011 al diś ch'al presidènt dla cumisiòṅ Herman van Rompuy al gh'à 'n carìśma cumpàgn a qvél 'd un stras mój.
In d'l Utóbar dal 2009 al The Daily Telegraph 'l al mét a la 41śma puśisiòṅ di sènt pulìtig britànic ad dèstra più impurtànt[3].
In dal 2016, miténd-as da la banda 'd qvéi dal lasàr, 'l à vins al referéndum dla Brexit par dastacàr al Régn Unî da l'Ugnòṅ Européa[4].
Nòti
- ↑ Gay, imigrâ, stùpar, 'l alfabét da śgriśōr d'l Ukip La Repubblica, 30 ad Maǵ dal 2014
- ↑ M5S, referéndum: 'l 80% di grilèṅ al vōta l'aleànsa cun Farage in d'l Europarlamènt Il Messaggero, 12 ad Śugn dal 2014
- ↑ I sènt più influènt pulìtig ad dèstra The Daily Telegraph, 5 'd Utóbar dal 2009
- ↑ Brexit: 'l è 'l cap d'l Ukip Nigel Farage al vinsidōr dabòṅ Il Sole24Ore, 24 ad Śugn dal 2016