Niente baci sulla bocca

Da Wikipedia.

C'l artìcul chè 'l è scrit in Miranduléś Emiliàn

J'embrasse pas
Niente baci sulla bocca

L'Emmanuelle Béart in na figùra dal film
Minga baś su la bóca
1991
Regìa: André Téchiné
Scritōr: Jacques Nolot • André Téchiné
Isabelle Coudrier-Kleist • Michel Grisolia
Atōr: Manuel BlancEmmanuelle Béart
Ivan DesnyPhilippe NoiretRoschdy Zem
Raphaëline GoupilleauHélène Vincent
Müsica: Philippe Sarde
Léngua: Francéś
Dürä dal film: 115 minüt
Nasiōṅ: FrànciaItàglia


«
A pòs far praticamènt incòśa p'r i bèsi... ma a n baś minga.»
(Tagline dal film)


Niente baci sulla bocca (Minga baś su la bóca) 'l è 'n film dramàtic dal 1991 'd André Téchiné.

Par cla pelìcula chè 'l atōr prutagunìsta Manuel Blanc 'l à vins un Prèmi César.

Sunt

Stuf ad vìvar su i mònt di Pirenéi, al śōvan Pierre (Manuel Blanc) al partìs p'r andàr a far 'l artìsta a Parì. Mént'r al stùddia recitasiòṅ al tira avànti lavànd śò a 'l uśdàł. Lè al cgnós n'infarméra puta 'd quarànt'an, l’Evelyne (Hélène Vincent), ch'la gh dà na cambra in afìt gusànd sèg na quàlc vòlta. In séguit al dvènta amìg ad Saïd (Roschdy Zem), un ragàs ch'al mùcia sù quèl faghénd sès par bèsi cun di óm. Chi lò al gh preśènta dū fnòć in là c'n i an, al prudutōr Romain Dumas (Philippe Noiret) e al sunadōr ad viulunsèl Dimitri (Ivan Desny), ma Pierre 'l è daśgustâ 'd cal mónd lè.

Quànd Pierre al vîṅ licensiâ 'l è però custrét a bàtar dabòṅ druànd al nóm ad “Romain” e tgnénd adrē a dū règhli, al n al ciàpa briśa e minga baś in bóca. Lung al stradi al cgnós na ragàsa ch'la fà la putàna anc lē, l’Ingrid (Emmanuelle Béart). I dū i s inamóran e i vrévan scapàr insém ma la śōvna la lavóra p'r un papòṅ.

Culegamènt estéran