Nibìru (astrunumìa)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


Nibìru 'l è 'n pianēd dla mitulugìa babilunéśa, mis in relasiòṅ c'n al Dio Marduk.

Diségn artìstic dal pianēd Nibìru

A 'l dè 'd incō a s pénsa ch'a s pòsa tratàr dal pianēd Giôv ma a gh'è anc chi diś ch'al sia invéci 'l Pianēd X, 'n iputètic àstar mai vdû dabòṅ ch'al prév catàr-as da 'd là dla fasa 'd Kuiper e ch'al sarév respunsàbil di distùrub in dgl'òrbiti 'd Netûn e 'd Uràṅ, tgnénd adrē a i studi dal XIX sécul dal siensiâ Percival Lowell.

P'r al scritōr Zecharia Sitchin, studióś dal pòpul antìg di Sumēr, Nibìru al sarév un pianēd ch'al pasa p'r al sistéma sulàr ógni 3600 an, incruśànd gl'òrbiti di àtar còrp celèst. 'L è stâ acsè che dimóndi an fà al sarév andâ adòs a 'l pianēd Tiamat, ch'al s catàva fra Mart e Giôv, cauśànd la sò distrusiòṅ e dand vita acsè a la fasa di asteròid.

Par 'l astrònum rus Dyomin Damir Zakharovich 'l asteròid 2016 WF9, ch'al 25 ad Favràr dal 2017 'l è pasâ davśèṅ a la Tèra a 50 979 228 km 'd distànsa, al sarév un còrp celèst dal sistéma 'd Nibiru.

P'r i siensiâ e par la NASA tut cal stòri lè i sarévan dal bùfali[1].

Nòti