Nero veneziano
|
C'l artìcul chè 'l è scrit in
Miranduléś |
 Nero veneziano
| ||
 Yorgo Voyagis na figùra dal film | ||
| Négar venesiàṅ 1978 | ||
|---|---|---|
| Regìa: Ugo Liberatore | ||
| Scritōr: Ottavio Alessi • Roberto Gandus Ugo Liberatore • Domenico Rafele | ||
| Atōr: Renato Cestiè • Florence Barnes Rena Niehaus • Yorgo Voyagis • Bettine Milne Angela Covello • José Quaglio • Olga Karlatos Ely Galleani • Fabio Gamma • Lorraine De Selle | ||
| Müsica: Pino Donaggio | ||
| Léngua: Itagliàṅ | ||
| Dürä dal film: 95 minüt | ||
| Nasiōṅ: Itàglia | ||
Nero veneziano (Négar venesiàṅ) 'l è 'n film ad scarésa dal 1978 'd Ugo Liberatore.
Sunt
La Christine (Rena Niehaus) e sò fradèl òrub, Mark (Renato Cestiè), i vìv'n a Venèsia insém a sò nunòna (Bettine Milne) dòp ch'i sò genitōr i èṅ mòrt. Un dè la vècia la ciàpa fōg murénd méntar pàdar Stefani (José Quaglio) al dgiva mésa in céśa parchè na candéla, cascàda par tèra, la gh bruśa i vistî. I sò anvōd i èṅ acsè custrét a 'ndàr a star malvluntéra da i sò sîṅ, Martin (Tom Felleghy) e la Madeleine Winters (Olga Karlatos). Chi lōr i gh'aṅ na pensiòṅ a la Giudèca ch'la sarév da mét'r a pòst c'n un pós in dal magaśèṅ pîṅ ad póndghi e 'd bisi e di bēg ch'i vìnan śò p'r i rubinét.
La ragàsa la gh'à 'n muróś ch'al fà da ciceròṅ p'r i turìsta, Giorgio (Fabio Gamma), méntar Mark, dvintâ in cal mént'r amìg dna ragasōla ciamàda Vicky (Gloria Bozzola), al gh'à da spés dal viśiòṅ. In una 'd qvisti chè al véd un turìsta c'n i bafi (Yorgo Voyagis) masàr sò sîna in dla cambra nùmar dódas ma a pâr un quèl impusìbil parchè la pensiòṅ l'è vōda. Purtròp la dóna la mōr dabòṅ subìt dòp par 'n atàc ad cōr ma prima 'd saràr i òć la diś a Mark ad star atènti a la “Pentecòst”, un Dio négar. Anc Martin al pèrd la vita finénd impicâ.