Nemo propheta in patria
|
C'l artìcol chè 'l è scrit in
Carpśàn |
Nemo propheta in patria l'è na manéra 'd dir latèina ch'la vōl significhèr che nisùn, gnanc s'al fà di lavōr dimòndi bòun, al vin tolt sul séri in dal só paéś o da mêś a chi 'l cgnus.
Cl'idèa chè al la giva anca Noster Sgnōr in di Vangēl,[1] qvand al turnèva a Nàśaret da mêś ala só ginta ch'la n'egh cherdìva mìa tant.
La frêś la gniva anca druèda da Giordano Bruno per spieghèr che i stròleg e i dutōr i cataràn più da persuàder da mêś ai agìnt ch'i nn'i cgnusen briśa, perchè chilōr i gh veraràn de più el só sperànsi e 'l dispośisiòun dla só alma che s'i n'i ìsen cgnusû.[2]
Vóś lighèdi
Referèinsi
- ↑ Vangél: Matteo 13,57; Marco 6,4; Luca 4,24; Giovanni 4,44
- ↑ (IT) Soquànti frêś ed Giordano Bruno in dla réda.
Ligàm a fóra
- (IT) La spiegasiòun dla frêś in sim'ala Treccani.