Nella mente dell'assassino

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Profile of a Serial Killer
Nella mente dell'assassino
Nella mente dell'assassino.png
Myles Collins e Brett Swain in na figùra dal film
In dla mènt dal sasèṅ
1998
Regia: Steve Jodrell
Scritùr: Jutta Goetze • Roger Simpson
Atùr: Rebecca GibneyJake Notarfrancesco
Shane ConnorSusan LyonsHugh Jackman
Brett SwainMyles CollinsMatylda Buczko
Müsica: John Clifford White
Lengua: Ingléś
Dürä dal film: 101 minüt
Nasiòṅ: Austràglia


«
A n far-at catàr briśa in di sò pinsēr.»
(Tagline dal film)


Nella mente dell'assassino (In dla mènt dal sasèṅ) 'l è 'n film pulisciésc dal 1998 ad Steve Jodrell, vgnû fóra in DVD in d'l Utóbar dal 2004, trat da 'n epiśòdi dal telefìlm austragliàṅ Halifax f.p. da 'l tìtul Profile of a Serial Killer (cgnusû anc cuma Afraid of the Dark).

Sunt

La Jane Halifax (Rebecca Gibney) la fà la psicòluga jutànd Martin Ledger (Barry Langrishe) dla pulisìa in di caś ad masamènt par dasquaciàr al mènt di sasèṅ. Cun chi óm la gh'à di prubléma parchè sénsa vlēr la fà sèmp'r al cunfrònt cun sò pàdar mòrt che par lē 'l éra 'n mudèl ad riferimènt. Par cal mutìṿ chè anc lē la và a cuntàr incòsa dla sò vita da n'atra “strica-sarvèi”, la dutōra Marion Walters (Catherine Wilkin).

Un dè in sità un sasèṅ al fà 'n masèl in un risturànt cupànd c'n un sćiòp soquànti parsòni. I s sàlv'n in pôc, cuma Tony Martini (Tasos Petousis) ch'al s éra lugâ sóta 'n tàvul insém a la sò famìja, e 'l mecànig èx puòs Ray Harvey (Shane Connor) ma minga 'n sò culéga più dasfurtunâ, Hamish (Sullivan Stapleton), o na dóna ch'a gh piaśìva dimóndi, la Maxine (Anni Finsterer), tant che cal dè lè al vliva rigalàr-'g un sórag.

Ciamàda da gl'agìnt Eric Ringer (Hugh Jackman) e l’Helen de Castro (Susan Lyons) e da 'l detective Twomey (Myles Collins) a far dal dmandi a 'n suspetâ, un brut grintèṅ ch'al s ciàma Kevin Lauper (Brett Swain), la Jane la pèrd la pasìnsa sèg, un quèl ch'a n gh'arév minga da sucédar. Da 'l cant suo Eric al véd in lē la milf di sò sógn e 'l dè ad San Silvéstar al và a cà sua a gusàr-'s-la e 'l vrév far àtar tant al dè dòp par dar-'g anc al Bòṅ Cavdàn. Ray invéci al n gh'à minga mutìṿ ad festegiàr 'l an nóṿ parchè qualchidòṅ a gh veléna 'l sò caṅ. In tut al manéri al s arcòrda 'd avér sintî śgaśàr via na Mazda 'l dè di masamènt e la pulisìa la próa a dar-ag crédit andànd a pascàr un sèrt Vassalo (Matthew Crosby) ch'al gh'à na màchina cumpàgna. I n 'l ìsan mai fat.

Culegamènt estéran