Nei panni di una bionda

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Switch
Nei panni di una bionda
Nei panni di una bionda.png
L'Ellen Barkin in na figùra dal film
In di pagn dna biónda
1991
Regia: Blake Edwards
Scritùr: Blake Edwards
Atùr: Ellen BarkinPerry KingJimmy Smits
JoBeth WilliamsLorraine BraccoKevin Kilner
Victoria MahoneyLysette AnthonyDavid Wohl
Catherine KeenerBruce PayneTony Roberts
Müsica: Henry Mancini • Don Grady
Lengua: Ingléś
Dürä dal film: 103 minüt
Nasiòṅ: Stat Unî


«
Gh la cavarà Steve da dóna a dvintàr 'n óm fat méj?»
(Tagline dal film)


Nei panni di una bionda (In di pagn dna biónda) 'l è na cumèdia americàna dal 1991 ad Blake Edwards.

A i butghèṅ americàṅ 'l à fat al sò ingrès diretamènt in secónda puśisiòṅ, purtànd-'s a cà da piò ad quìndas migliòṅ ad dòlar in tut.

Sunt

Steven Brooks (Perry King), un manager ad sucès ch'al lavóra in dal camp dla reclàm, al gh'à furtùna in dal sò mistēr ma anc cun al dóni che lò al dascàrga sèmpar dòp ésar-'s-i purtàdi a lèt, sénsa mai far-as di prubléma. Un dè chi lò al ricév na telefunàda da la Margo (JoBeth Williams), una dal sò ex, ch'la gh dmanda 'd andàr-la a catàr cla sira lè ch'la gh'à na surpréśa da far-ag védar. Rivâ a cà dla sò ex murōśa, al gh cata anc la Liz (Lysette Anthony) e la Felicia (Victoria Mahoney), atri sò dū dóni dna vòlta. Steven al s fà la bóca cun l'idéa 'd pasàr na nòt a far dal purcàdi sèg ma a n è minga acsè parchè al tri dóni i èṅ lè par cupàr-al, andgànd-al in dla vasca da bagn. Al spurcaciòṅ in un prim tèmp al la scampa ma pò al mōr listés quànd la Margo la gh tira tri cólp ad pistòla, mandànd-'l a c'l àtar mónd.

Steven al s cata acsè in Purgatòri in dua Dio al gh diś che, s'al vōl andàr in Paradìś, al gh'à da turnàr in sla tèra par pascàr na dóna ch'la gh vója bèṅ dabòṅ. Purtròp par lò al Diàvul al gh mét al sò śampèṅ e, par rénd'r-ag i quèi difìcii, 'l al fà dvintàr na dóna. Dòp ès'r-ag armàś, Steven al s fà pasàr p'r Amanda Brooks (Ellen Barkin), surèla ad Steven.

Culegamènt estéran