Nebbia a San Francisco

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Fog Over Frisco
Nebbia a San Francisco
Nebbia a San Francisco.png
Lyle Talbot e la Bette Davis in na figùra dal film
Fumàna a San Francisco
1934
Regia: William Dieterle
Scritùr: George Dyer
Robert N. Lee • Eugene Solow
Atùr: Bette DavisDonald WoodsLyle Talbot
Margaret LindsayHugh HerbertArthur Byron
Müsica: Bernhard Kaun
Lengua: Ingléś
Dürä dal film: 68 minüt
Nasiòṅ: Stat Unî


«
Paśni segréti sćiancàdi via da la stòria dla vita dna ragàsa fóra dla léǵ!»
(Tagline dal film)


Nebbia a San Francisco (Fumàna a San Francisco) 'l è 'n thriller in biànc e négar dal 1934 ad William Dieterle.

Sunt

L’Arlene (Bette Davis) l'è na śuvnòta visiàda e pîna 'd bèsi ch'la s la gôd a la granda in dla vita finansiànd tut al sò spéśi rubànd dgl'ubligasiòṅ da la sucietà 'd sò pàdar, Everett Bradford (Arthur Byron), par cònt dal criminàł Jake Bello (Irving Pichel) e 'd sò fradèl Joe (Gordon Westcott). Par far-al, la custrìnś al sò muróś Spencer Carlton (Lyle Talbot) a jutàr-la, dasfrutànd al fat che chi lò al gh'à 'n pòst impurtànt in dla dita 'd sò pàdar.

Na sira, dòp avēr decìś ad dar-'g un taj cun tut chi furt lè, la tōś la deciśiòṅ ad mulàr Spencer, ch'al n gh sarvìs piò, par turnàr insém a 'l sò amànt Joshua Mayard (Douglass Dumbrille), pròpria quànd sò pàd'r al capìs 'd èsar stâ fargâ da lē. Everett al vrév dar-ag na punisiòṅ ma l’Arlene la sparìs lasànd un bijét a sò surèla Valkyr dita Val (Margaret Lindsay). Quànd al giurnalìsta Tony Sterling (Donald Woods), ligâ sentimentalmènt a la Val, e 'l paparàś Izzy Wright (Hugh Herbert) i càt'n al cadàvar dl’Arlene in dal baùl dla sò màchina, al cumisàri O'Malley (Alan Hale) al taca a indagàr su 'l caś.

A s vîṅ a savēr che l’Arlene l'éra spuśàda in segrét c'n un sèrt Arthur Burchard. In cal méntar a vîṅ catâ mòrt anc Spencer.

Culegamènt estéran